Cricket
ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഇന്ത്യക്കെതിരെ കരിയറിലെ 31-ാം സെഞ്ചുറി നേടിയ ഓസീസ് താരം സ്റ്റീവ് സ്മിത്തിന് റെക്കോര്‍ഡ്.
ഇന്ത്യക്കെതിരെ ഏറ്റവും കൂടുതല്‍ സെഞ്ചുറികള്‍ നേടുന്ന വിദേശ ബാറ്ററെന്ന റെക്കോര്‍ഡ് ജോ റൂട്ടിനൊപ്പം ഇനി സ്മിത്തിനും
ഇന്ത്യക്കെതിരെ റൂട്ടും സ്മിത്തും ഒമ്പത് ടെസ്റ്റ് സെഞ്ചുറികള്‍ വീതമാണ് നേടിയത്.
ഇന്ത്യക്കെതിരെ ഏറ്റവും കൂടുതല്‍ സെഞ്ചുറികളെന്ന നേട്ടത്തില്‍ എട്ട് സെഞ്ചുറികള്‍ നേടിയിട്ടുള്ള വിവിയന്‍ റിച്ചാര്‍ഡ്സ്, റിക്കി പോണ്ടിംഗ്, ഗാരി സോബേഴ്സ് എന്നിവരെ പിന്നിലാക്കി.
ഇന്ത്യ-ഓസ്ട്രേലിയ പരമ്പരയില്‍ ഏറ്റവും കൂടുതല്‍ സെഞ്ചുറികളില്‍ സ്മിത്ത്(9) രണ്ടാമത്. 11 സെഞ്ചുറികളുള്ള സച്ചിന്‍ മാത്രമാണ് ഇനി സ്മിത്തിന് മുന്നില്‍.
ഇന്ത്യ-ഓസ്ട്രേലിയ പരമ്പരയില്‍ എട്ട് വീതം സെഞ്ചുറി നേടിയിട്ടുള്ള വിരാട് കോലി, സുനില്‍ ഗവാസ്കര്‍, റിക്കി പോണ്ടിംഗ് എന്നിവരെ സ്മിത്ത് ഇന്ന് പിന്നിലാക്കി.
31-ാം സെഞ്ചുറി നേടിയ സ്മിത്ത് ഓസ്ട്രേലിയക്കായി ഏറ്റവും കൂടുതല്‍ സെഞ്ചുറികള്‍ നേടുന്ന മൂന്നാമത്തെ താരമായി. റിക്കി പോണ്ടിംഗ്(41), സ്റ്റീവ് വോ(32) എന്നിവര്‍ മാത്രം മുന്നില്‍.
ഇംഗ്ലണ്ടില്‍ ഏറ്റവും കൂടുതല്‍ സെഞ്ചുറി നേടുന്ന സന്ദര്‍ശക ബാറ്ററെന്ന നേട്ടത്തില്‍ സ്റ്റീവ് വോക്ക് ഒപ്പം രണ്ടാമത്(7). സാക്ഷാല്‍ ഡോണ്‍ ബ്രാഡ്മാന്(11) മാത്രം മുന്നില്‍.