Cricket
ഇന്ത്യന്‍ ക്രിക്കറ്റർമാരുടെ ഇതുവരെ കാണാത്ത ഗെറ്റപ്പിലുള്ള എഐ ചിത്രങ്ങള്‍ ശ്രദ്ധേയമാകുന്നു
ഇന്ത്യന്‍ ക്രിക്കറ്റിലെ സൂപ്പർ താരനിരയുടെ ചിത്രങ്ങളാണ് ആർട്ടിഫിഷ്യൽ ഇന്‍റലിജൻസിന്‍റെ (AI) സഹായത്തോടെ തയ്യാറാക്കിയിരിക്കുന്നത്
വലിയ പ്രചാരമാണ് ഈ ചിത്രങ്ങള്‍ക്കെല്ലാം സാമൂഹ്യമാധ്യമമായ ഇന്‍സ്റ്റഗ്രാമില്‍ കിട്ടിയിരിക്കുന്നത്
വിരാട് കോലി, ശുഭ്മാന്‍ ഗില്‍, രോഹിത് ശർമ്മ, സഞ്ജു സാംസണ്‍, സൂര്യകുമാർ യാദവ്
ഹാർദിക് പാണ്ഡ്യ, രവീന്ദ്ര ജഡേജ, മുഹമ്മദ് ഷമി, യുസ്‍വേന്ദ്ര ചഹല്‍, ജസ്പ്രീത് ബുമ്ര
ഈ എഐ ചിത്രങ്ങള്‍ക്ക് പിന്നിലൊരു മലയാളിയാണ് എന്നതാണ് ഏറ്റവും വലിയ പ്രത്യേകത
മൈസൂരുവില്‍ ഇന്‍ഫോസിസില്‍ ജോലി ചെയ്യുന്ന തൊടുപുഴ സ്വദേശി ഗോകുല്‍ പിള്ളയാണ് ഈ ആർട്ടിഫിഷ്യൽ ഇന്‍റലിജൻസ് ചിത്രങ്ങളുടെ ശില്‍പി
ഡിജിറ്റല്‍ ആർട്ടും ഫോട്ടോഗ്രഫിയും ഇഷ്ടപ്പെടുന്ന ഗോകുലിന്‍റെ മറ്റ് നിരവധി വർക്കുകളും നേരത്തെ ഇന്‍സ്റ്റഗ്രാമില്‍ ശ്രദ്ധേയമായിരുന്നു
ഏകദിന ലോകകപ്പാണ് ഇന്ത്യന്‍ ക്രിക്കറ്റർമാരുടെ ചിത്രങ്ങള്‍ എഐയില്‍ ഒരുക്കാന്‍ പ്രേരണയായത് എന്ന് ഗോകുല്‍
മലയാളി ക്രിക്കറ്റർ സഞ്ജു സാംസണിന്‍റെ കട്ട ആരാധകനാണ് താനെന്നും ഗോകുല്‍ ഏഷ്യാനെറ്റ് ന്യൂസ് ഓണ്‍ലൈനിനോട് പറഞ്ഞു