Cricket
എക്കാലത്തെയും മികച്ച ഇന്ത്യൻ ഇലവനെ തെരഞ്ഞെടുത്ത് മുന്‍ ഇന്ത്യൻ താരം പിയൂഷ് ചൗള, നിലവിലെ ടീമില്‍ നിന്ന് മൂന്ന് പേര്‍ മാത്രമാണ് ചൗളയുടെ ടീമിലിടം നേടിയത്.
ഓപ്പണർമാരായി പിയൂഷ് ചൗള തെരഞ്ഞെടുത്തിരിക്കുന്നത് ക്യാപ്റ്റന്‍ രോഹിത് ശര്‍മയെയും ബാറ്റിംഗ് ഇതിഹാസം സച്ചിന്‍ ടെന്‍ഡുല്‍ക്കറെയുമാണ്.
വിരാട് കോലി കൈയടിക്കിവെച്ചിരിക്കുന്ന മൂന്നാം നമ്പറില്‍ ചൗള തെരഞ്ഞെടുത്തിരിക്കുന്നത് വീരേന്ദര്‍ സെവാഗിനെയാണ്.
നാലാം നമ്പറിലാണ് ചൗളയുടെ ടീമില്‍ വിരാട് കോലി ബാറ്റിംഗിനിറങ്ങുന്നത്.
യുവരാജ് സിംഗ് ആണ് മധ്യനിരയില്‍ ഫിനിഷറുടെ റോളില്‍ എത്തുന്നത്.
ഇന്ത്യ കണ്ട എക്കാലത്തെയും മികച്ച പേസ് ഓള്‍ റൗണ്ടറായ കപില്‍ ദേവാണ് പേസ് ഓള്‍ റൗണ്ടറായി എത്തുന്നത്.
എം എസ് ധോണിയാണ് ചൗളയുടെ എക്കാലത്തെയും മികച്ച ടീമിന്‍റെ വിക്കറ്റ് കീപ്പറും ഫിനിഷറും.
അനില്‍ കുംബ്ലെയും ഹര്‍ഭജന്‍ സിംഗുമാണ് പിയൂഷ് ചൗള തെരഞ്ഞെടുത്ത ടീമിലെ സ്പിന്നര്‍മാര്‍.
സഹീര്‍ ഖാനൊപ്പം പേസറായി ടീമിലെത്തിയത് നിലവിലെ ഇന്ത്യൻ ടീമിലെ പേസ് കുന്തമുനയായ ജസ്പ്രീത് ബുമ്രയാണ്.