Cricket
ഈ മാസം 23, 24 തീയതികളിലായി സൗദി അറേബ്യയിലെ ജിദ്ദയില്‍ നടക്കുന്ന ഐപിഎല്‍ താരലേലത്തിനായി രജിസ്റ്റര്‍ ചെയ്തിരിക്കന്നത് ആകെ രജിസ്റ്റര്‍ ചെയ്തിരിക്കുന്നത് ആകെ 1574 താരങ്ങള്‍.
ഇതില്‍ രണ്ട് കോടി അടിസ്ഥാനവിലയുളള ഇന്ത്യൻ താരങ്ങളുടെ പട്ടികയില്‍ ഖലീല്‍ അഹമ്മദ് മുതല്‍ ഉമേഷ് യാദവ് വരെയുണ്ട്.
രണ്ട് കോടി അടിസ്ഥാന വിലയുള്ള ഇന്ത്യൻ ബൗളര്‍മാരില്‍ മുഹമ്മദ് ഷമി, ആവേശ് ഖാന്‍, ഉമേഷ് യാദവ്, ഖലീല്‍ അഹമ്മദ്, മുകേഷ് കുമാര്‍, ടി നടരാജന്‍, അര്‍ഷ്ദീപ് സിംഗ് എന്നിവരുണ്ട്.
മുഹമ്മദ് സിറാജ്, വാഷിംഗ്ടണ്‍ സുന്ദര്‍, ഭുവനേശ്വര്‍ കുമാര്‍, ഹര്‍ഷല്‍ പട്ടേല്‍,ഷാര്‍ദ്ദുല്‍ താക്കൂര്‍ ഉമേഷ് യാദവ്, ദീപക് ചാഹര്‍, പ്രസിദ്ധ് കൃഷ്ണ എന്നിവര്‍ക്കും 2 കോടി.
ബാറ്റര്‍മാരില്‍ ഇഷാന്‍ കിഷന്‍, ക്രുനാല്‍ പാണ്ഡ്യ, മലയാളി താരം ദേവ്ദത്ത് പടിക്കല്‍, വെങ്കടേഷ് അയ്യര്‍ എന്നിവര്‍ക്കും 2 കോടി അടിസ്ഥാന വില.
രാജസ്ഥാന്‍ റോയല്‍സ് താരങ്ങളായിരുന്ന ആര്‍ അശ്വിനും യുസ്‌വേന്ദ്ര ചാഹലിനും 2 കോടിയാണ് അടിസ്ഥാന വിലിയിട്ടിരിക്കുന്നത്.
ഇന്ത്യൻ താരം സര്‍ഫറാസ് ഖാനും പൃഥ്വി ഷാക്കും താരലേലത്തില്‍ അടിസ്ഥാന വിലയിട്ടിരിക്കുന്നത് 75 ലക്ഷം മാത്രം.
ഇന്ത്യൻ താരങ്ങളായ ശ്രേയസ് അയ്യര്‍, റിഷഭ് പന്ത്, കെ എല്‍ രാഹുല്‍ എന്നിവര്‍ക്കും രണ്ട് കോടി രൂപയാണ് അടിസ്ഥാന വിലയിട്ടിരിക്കുന്നത്.