Cricket
പാന്‍ മസാല പരസ്യങ്ങളില്‍ അഭിനയിച്ച് സമൂഹത്തിന് തെറ്റായ സന്ദേശം നല്‍കുന്ന ക്രിക്കറ്റ് താരങ്ങള്‍ക്കെതിരെ തുറന്നടിച്ച് ഗംഭീര്‍.
പാന്‍മസാല പരസ്യങ്ങളില്‍ അഭിനയിച്ച വീരേന്ദര്‍ സെവാഗ്, കപില്‍ ദേവ്, സുനില്‍ ഗവാസ്കര്‍ എന്നിവര്‍ക്കെതിരൊയണ് ഗംഭീറിന്‍റെ വിമര്‍ശനം.
കോടിക്കണക്കിന് കുട്ടികള്‍ ആരാധനയോടെ കാണുന്ന ക്രിക്കറ്റ് താരങ്ങള്‍ സമൂഹത്തിന് റോള്‍ മോഡലാവണമെന്ന് ഗംഭീര്‍.
ക്രിക്കറ്റ് താരങ്ങള്‍ പാന്‍ മസാല പരസ്യങ്ങളില്‍ അഭിനയിക്കുമെന്ന് ഒരിക്കലും കരുതിയിരുന്നില്ലെന്ന് ഗംഭീര്‍.
ക്രിക്കറ്റ് താരങ്ങള്‍ പാന്‍മസാല പരസ്യങ്ങളില്‍ അഭിനയിക്കുന്നത് കാണുമ്പോള്‍ നിരാശയും അസ്വസ്ഥയും തോന്നുന്നുവെന്നും ഗംഭീര്‍.
പാന്‍മസാല പരസ്യങ്ങളില്‍ അഭിനയിക്കാന്‍ ക്രിക്കറ്റ് താരങ്ങള്‍ക്ക് പണത്തിന് അത്രക്ക് ആവശ്യമുണ്ടോ എന്നും ഗംഭീര്‍. പണമുണ്ടാക്കാന്‍ മറ്റ് മാര്‍ഗങ്ങളില്ലേ എന്നും ഗംഭീര്‍.
ഇത്തരം പരസ്യങ്ങള്‍ക്ക് സമീപിക്കുമ്പോള്‍ അത് വേണ്ടെന്ന് വെക്കാനുള്ള ധൈര്യം ക്രിക്കറ്റ് താരങ്ങള്‍ കാട്ടണമെന്നും ഗംഭീര്‍.
സച്ചിന് പാന്‍ മസാല പരസ്യത്തില്‍ അഭിനയിക്കാന്‍ 20-30 കോടി വാഗ്ദാനം ചെയ്തിട്ടും അദ്ദേഹമത് പുല്ലുപോലെ വേണ്ടെന്ന് വെച്ചിട്ടുണ്ട്. അതുകൊണ്ടാണ് സച്ചിന് റോള്‍ മോഡലാവുന്നത്.
സെവാഗ്, കപില്‍, ഗവാസ്കര്‍ എന്നിവര്‍ക്ക് പുറമെ ക്രിസ് ഗെയ്‌ലും ഐപിഎല്ലിനിടെ ഒരു പ്രമുഖ പാന്‍മസാല നിര്‍മാതാക്കളുടെ പരസ്യത്തില്‍ അഭിനയിച്ചിരുന്നു.