Cricket
കളിക്കളത്തിലെ മികവിനൊപ്പം തന്നെ ആഡംബരത്തിന്‍റെ കാര്യത്തിലും മുന്നിലാണ് ഇന്ത്യൻ ക്രിക്കറ്റ് താരങ്ങള്‍.
അത്യാഡംബര കാറുകള്‍ മുതല്‍ സ്വന്തമായി വിമാനം വരെയുള്ള താരങ്ങള്‍ ഇന്ത്യൻ ടീമിലുണ്ട്.
ഇന്ത്യൻ ക്രിക്കറ്റിലെ ഏറ്റവും സമ്പന്നനായ താരം കൂടിയായ വിരാട് കോലിയാണ് സ്വന്തമായി വിമാനമുള്ള ഒരു താരം.
ഇന്ത്യയുടെ ലോകകപ്പ് നേട്ടത്തില്‍ നിര്‍ണായക പങ്കുവഹിച്ച ഹാര്‍ദ്ദിക് പാണ്ഡ്യയാണ് സ്വകാര്യ വിമാനം സ്വന്തമായുള്ള മറ്റൊരു താരം.
ബൈക്കുകളോടുള്ള ധോണിയുടെ പ്രിയം പ്രശസ്തമാണ്. ബൈക്കും ആഡംബര കാറും മാത്രമല്ല, ധോണിക്കുമുണ്ട് സ്വന്തമായി വിമാനം.
ഇന്ത്യൻ ക്രിക്കറ്റിലെ ഇതിഹാസ ഓള്‍ റൗണ്ടറായ കപില്‍ ദേവാണ് പഴയ തലമുറയിലെ താരങ്ങളില്‍ സ്വന്തമായി വിമാനമുള്ള താരം.
ഇന്ത്യൻ ബാറ്റിംഗ് ഇതിഹാസം സച്ചിന്‍ ടെന്‍ഡുല്‍ക്കറാണ് കഴിഞ്ഞ തലമുറയില്‍ സ്വകാര്യ വിമാനം സ്വന്തമാക്കിയ ആദ്യ താരം.
ഐപിഎല്ലിന്‍റെ വരവോടെയാണ് ഇന്ത്യൻ താരങ്ങളുടെ സമ്പത്തില്‍ വന്‍ വര്‍ധനയുണ്ടായത് എന്നതും ശ്രദ്ധേയമാണ്.