Cricket
'2024 ട്വന്‍റി 20 ലോകകപ്പ് വിരാട് കോലിയും രോഹിത് ശര്‍മ്മയും കളിക്കണമെന്ന് വെസ്റ്റ് ഇന്‍ഡീസ് ഇതിഹാസം ക്ലൈവ് ലോയ്ഡ്'
'വിരാട് കോലി ഇപ്പോഴും ലോകത്തെ ഏറ്റവും മികച്ച താരങ്ങളിലൊരാളാണ്, രോഹിത് ശര്‍മ്മ മികച്ച നായകനും'
ട്വന്‍റി 20 ലോകകപ്പിന് ഏറ്റവും മികച്ച ടീമിനെയാണ് തെരഞ്ഞെടുക്കേണ്ടത് എന്ന് ഇന്ത്യക്ക് ക്ലൈവ് ലോയ്ഡിന്‍റെ ഉപദേശം
ടീം ഇന്ത്യക്ക് മികച്ച യുവതാരങ്ങളുണ്ടെന്നും താരബാഹുല്യമാണ് സീനിയര്‍ താരങ്ങള്‍ക്ക് ഭീഷണിയെന്നും ലോയ്ഡ് പറഞ്ഞു
115 രാജ്യാന്തര ട്വന്‍റി 20കളില്‍ 52.74 ശരാശരിയിലും 137.97 സ്ട്രൈക്ക് റേറ്റിലും വിരാട് കോലിക്ക് 4008 റണ്‍സുണ്ട്
രാജ്യാന്തര ട്വന്‍റി 20യില്‍ ഏറ്റവും കൂടുതല്‍ റണ്‍സുള്ള പുരുഷ താരം വിരാട് കോലിയാണ്, രോഹിത് ശര്‍മ്മ ആണ് രണ്ടാംസ്ഥാനത്ത്
ഇന്ത്യന്‍ നായകനായ രോഹിത് ടി20യില്‍ 149 കളിയില്‍ 31.07 ശരാശരിയിലും 139.14 പ്രഹരശേഷിയിലും 3853 റണ്‍സ് പേരിലാക്കി
യുവതാരങ്ങള്‍ ഏറെ അവസരത്തിനായി കാത്തിരിക്കുന്നുണ്ടെങ്കിലും കോലിയും രോഹിത്തും ലോകകപ്പിലുണ്ടാകും എന്നാണ് ക്ലൈവ് ലോയ്ഡിന്‍റെ പ്രതീക്ഷ