auto blog
സംസ്ഥാനത്ത് ഓട്ടോറിക്ഷകള്‍ക്കുള്ള പെർമിറ്റിൽ ഇളവ് വരുത്തി. കേരളം മുഴുവൻ ഇനി മുതൽ ഓട്ടോറിക്ഷകള്‍ക്ക് സർവീസ് നടത്താം
ട്രാൻസ്‍പോർട്ട് അതോറിറ്റിയുടെ ഈ സുപ്രധാന തീരുമാനത്തിന് ഗുണവും ദോഷവും ഒരുപോലെയുണ്ട്. അവയെപ്പറ്റി കൂടുതൽ അറിയാം
ചെറുയാത്രകള്‍ക്കായാണ് ഈ മുച്ചക്രവാഹനം ഡിസൈൻ ചെയ്തിരിക്കുന്നത്. മൂന്നുപേരുടെ ചെറുയാത്രകള്‍ ചുരുങ്ങിയചെലവില്‍ സാധ്യമാക്കുന്ന ഓട്ടോറിക്ഷകളെപ്പറ്റി ആദ്യം അറിയാം
ഇരുചക്രവാഹനവും സൈക്കിള്‍റിക്ഷയും ചേര്‍ന്നുള്ള സങ്കരരൂപമാണ് ഓട്ടോറിക്ഷകൾ. ബൈക്ക് ഹാന്‍ഡില്‍കൊണ്ട് മുന്‍ചക്രം നിയന്ത്രിക്കുന്ന വാഹനം
മുന്‍എന്‍ജിന്‍,പിന്‍എന്‍ജിന്‍ എന്നിങ്ങനെ മോഡലുകൾ. ഡ്രൈവർ സീറ്റിന് താഴെ എഞ്ചിനുള്ള ലാംബ്രട്ടയായിരുന്നു പഴയ താരം. പിന്നെ ബജാജ് വന്നു. ഡീസലും സിഎൻജിയും ഇലക്ട്രിക്കുമൊക്കെ വന്നു
ചെറുയാത്രകൾക്കുള്ള ഡിസൈൻ. പാസീവ് സസ്‌പെന്‍ഷന്‍ സിസ്റ്റം എന്ന സാധാരണ ഷോക്ക് അബ്സോര്‍ബറുകൾ. കോയിലും സ്പ്രിങ്ങും മാത്രമുള്ള പരമ്പരാഗതമാര്‍ഗം. കുലുക്കം കൂടും.അധികദൂരം ഇരിക്കാനാവില്ല.
തുടര്‍ച്ചയായി ഓടിയാല്‍ എന്‍ജിന്‍ ചൂടാകും.തലസ്ഥാനത്ത് നിന്നും കൊച്ചിയില്‍ പോകാന്‍ മീറ്റര്‍ചാര്‍ജ് വാങ്ങിയാലും ആയിരക്കണക്കിന് രൂപയ്ക്ക് മുകളിലാകും. വേഗം 50 കിമിയില്‍ കൂടിയാൽ അപകടം.
ഓട്ടോകള്‍ ദീര്‍ഘദൂരയാത്രകള്‍ക്ക് സുരക്ഷിതമല്ലെന്ന് കേന്ദ്രം നിയോഗിച്ച വിദഗ്ധസമിതി. ആറുവരിപ്പാതകളിലും എക്‌സ്പ്രസ് ഹൈവേകളിലും ഓട്ടോറിക്ഷകള്‍ക്ക് വിലക്കുണ്ട്.
അതിവേഗപാത തുറന്നാൽ അപകടം വ്യാപകമാകും. കാസര്‍കോട് മുതല്‍ തിരുവനന്തപുരംവരെ ഓടുന്നത് എളുപ്പമേയല്ല. അതിവേഗം,പെട്ടെന്നുള്ള വെട്ടിക്കല്‍ തുടങ്ങിയവ തലകീഴായി മറിക്കും.
ഓണ്‍ലൈന്‍ ബുക്കിങ്ങിലൂടെ എവിടെനിന്നും ആളെക്കയറ്റാന്‍ കഴിയുമെന്നും വമ്പന്‍ കമ്പനികള്‍ വരുമെന്നും ആക്ഷേപം.തൊഴിൽ സംഘർഷസാധ്യത.വേറെവിടെയും ഓട്ടോകള്‍ക്ക് സംസ്ഥാന പെര്‍മിറ്റില്ല.
അതിര്‍ത്തി പങ്കിടുന്ന സ്ഥലങ്ങളിലെ ഓട്ടോ തൊഴിലാളികൾക്ക് അത്യാവശ്യത്തിന് അതിര്‍ത്തി കടക്കാം. ഇപ്പോള്‍ ഇങ്ങനെ യാത്ര ചെയ്‍ത് അപകടം പറ്റിയാല്‍ ഇന്‍ഷുറന്‍സിനെ ബാധിക്കും