auto blog
നിങ്ങള്‍ കാര്‍ ഡ്രൈവ് ചെയ്യുന്നതിനിടെ ബ്രേക്ക് നഷ്‍പ്പെട്ടെന്ന് തിരിച്ചറിഞ്ഞാല്‍ എന്തുചെയ്യും? ഇങ്ങനെ അപകടത്തിൽപ്പെടുന്ന നിരവധി സംഭവങ്ങൾ ഉണ്ടായിട്ടുണ്ട്
ഭയന്നു വിറച്ചിട്ടോ പരിഭ്രാന്തരായിട്ടോ വലിയ കാര്യമൊന്നുമില്ല. കാരണം അത് കൂടുതല്‍ അപകടങ്ങള്‍ ക്ഷണിച്ചു വരുത്തുകയേ ഉള്ളൂ
ഡ്രൈവിംഗിനിടെ കാറിന്റെ ബ്രേക്ക് നഷ്‍ടമായാല്‍ ചെയ്യേണ്ടതും ചെയ്യരുതാത്തുമായ ചില കാര്യങ്ങള്‍ അറിഞ്ഞിരിക്കാം
വാഹനത്തിന്‍റെ ബ്രേക്ക് നഷ്ടപ്പെട്ടെന്ന് തിരിച്ചറിഞ്ഞാല്‍ ആദ്യം മനസാന്നിധ്യം വീണ്ടെടുക്കുക
ആക്‌സിലറേറ്റര്‍ പെഡലില്‍ നിന്നും കാല് പൂര്‍ണമായും എടുത്ത് സ്വതന്ത്രമാക്കുക
ക്രൂയിസ് കണ്‍ട്രോള്‍ ഉള്ള കാറാണെങ്കില്‍ അത് ഓഫ് ചെയ്യുക
ഇനി ബ്രേക്ക് പെഡലില്‍ കാല് അമര്‍ത്തുക. ചവിട്ടുമ്പോള്‍ ബ്രേക്ക് പെഡല്‍ പൂര്‍ണമായും താഴുകയാണെങ്കില്‍ ബ്രേക്ക് ഫ്‌ളൂയിഡ് കുറഞ്ഞതാകാം കാരണമെന്നു മനസിലാക്കാം.
ബ്രേക്ക് പെഡല്‍ ആവര്‍ത്തിച്ചു ചവിട്ടുക. ശക്തമായി ബ്രേക്ക് ചെയ്‍താല്‍ മാത്രമെ എബിഎസ് പ്രവര്‍ത്തിക്കുകയുള്ളു.
ആവശ്യത്തിന് മര്‍ദ്ദം രൂപപ്പെട്ടെന്ന് തിരിച്ചറിഞ്ഞാല്‍ അടിയന്തരമായി ബ്രേക്ക് പൂര്‍ണമായും ചവിട്ടുക. ചവിട്ടിയതിന് ശേഷം കാലെടുക്കാതെ അല്‍പ നേരം കൂടി ബ്രേക്കില്‍ കാലമര്‍ത്തി വെയ്ക്കുക.
മാനുവൽ കാറാണെങ്കിൽ, ഉടൻ ലോ ഗിയറിലേക്ക് മാറുക. ഇത് എഞ്ചിൻ ബ്രേക്കിംഗിന് കാരണമാകും. നിങ്ങൾക്ക് ഓട്ടോമാറ്റിക് കാർ ലോ ഗിയറിലേക്ക് മാറ്റാനും കഴിയും (L അല്ലെങ്കിൽ D1).
നിങ്ങൾ ട്രാഫിക്കിലാണെങ്കിൽ, ഉടൻ തന്നെ ഹോൺ മുഴക്കി ഹെഡ്‌ലൈറ്റുകൾ ഫ്ലാഷ് ചെയ്യുക. അതുവഴി മറ്റ് ഡ്രൈവർമാരെ നിങ്ങളുടെ അടിയന്തരാവസ്ഥ അറിയിക്കുക.
എസി പ്രവര്‍ത്തിപ്പിച്ചും വാഹനത്തിന്‍റെ വേഗത കുറയ്ക്കാം. ഏറ്റവും കൂടിയ ഫാന്‍ വേഗതയില്‍ ഏസി പ്രവര്‍ത്തിപ്പിക്കുക
എഞ്ചിന്‍ ബ്രേക്കിംഗിനൊടുവില്‍ വേഗത 20 കിലോമീറ്ററില്‍ താഴെ ആയതിനു ശേഷം ശേഷം മാത്രം ഹാന്‍ഡ്‌ബ്രേക്ക് വലിക്കുക. ഒരിക്കലും അമിതവേഗത്തില്‍ ഹാന്‍ഡ്‌ബ്രേക്ക് ഉപയോഗിക്കരുത്.
നിങ്ങൾക്ക് കാർ സുരക്ഷിതമായി നിർത്താൻ കഴിയുന്ന ഒരു വഴി നോക്കുക. തുറസ്സായ സ്ഥലങ്ങൾ, ഒഴിഞ്ഞ റോഡുകൾ അല്ലെങ്കിൽ പാതയോരങ്ങളിൽ വാഹനം നിർത്താനും വേഗത കുറയ്ക്കാനും ശ്രമിക്കുക
എങ്ങനെയും നിൽക്കാതിരുന്നാൽ കുറഞ്ഞ വേഗതയിൽ നിങ്ങൾക്ക് കാറിനെ ഇടിച്ചുനിർത്താൻ കഴിയുന്ന സുരക്ഷിതമായ സ്ഥലം തിരഞ്ഞെടുക്കുക. കുറ്റിക്കാടുകൾ പോലെയുള്ള സ്ഥലത്തേക്ക് കാർ തിരിക്കുക.
എഞ്ചിൻ ഒരിക്കലും നിർത്തരുത്. സ്റ്റിയറിംഗും പവർ അസിസ്റ്റും പരാജയപ്പെടും. ന്യൂട്രല്‍ ഗിയറിടരുത്. റിവേഴ്‌സ് ഗിയറിടരുത്. വേഗത കുറയാതെ ഹാന്‍ഡ്‌ബ്രേക്ക് ഉപയോഗിക്കരുത്.