പച്ചക്കറിത്തോട്ടം

അടുക്കളപ്പുറത്ത് സ്ഥലമുണ്ടെങ്കിൽ അവിടെ ഒരു ചെറിയ പച്ചക്കറിത്തോട്ടമൊരുക്കുന്നത് എന്തുകൊണ്ടും നല്ലതാണ്. അത്യാവശ്യത്തിനുള്ള നല്ല പച്ചക്കറികൾ കിട്ടും എന്നത് തന്നെ പ്രധാന ​ഗുണം. 

എന്നാൽ, അടുക്കളത്തോട്ടം ചിലപ്പോൾ നന്നാവണം എന്നില്ല. ചില കാര്യങ്ങൾ ശ്രദ്ധിച്ചാൽ തോട്ടം നന്നാക്കിയെടുക്കാം. 

അടുക്കളയോട് ചേർന്നുള്ള സ്ഥലം തന്നെ തിരഞ്ഞെടുക്കാം. അപ്പോൾ, ശ്രദ്ധ കിട്ടാൻ എളുപ്പമായിരിക്കും. 

നല്ല സൂര്യപ്രകാശം കിട്ടുന്ന സ്ഥലം തന്നെയല്ലേ എന്ന് ഉറപ്പ് വരുത്താൻ മറക്കരുത്. 

പാത്രം കഴുകുന്നതും അലക്കുന്നതുമായ വെള്ളമോ, ചൂടുവെള്ളമോ തോട്ടത്തിലേക്ക് ഒഴിക്കരുത്. 

പടർന്നു കയറുന്ന പച്ചക്കറികൾ തിരഞ്ഞെടുത്താൽ സ്ഥലം ഏറെ ലാഭിക്കാം. ഉദാ: വള്ളിപ്പയർ, കോവയ്ക്ക. 

ഒരേയിനം പച്ചക്കറികൾ അടുത്തടുത്ത് നടാതിരിക്കുന്നതാണ് നല്ലത്. കീടബാധയുണ്ടായാൽ എളുപ്പം എല്ലാത്തിനേയും ബാധിക്കും. 

ഒരുപാട് വെള്ളം നനയ്ക്കേണ്ട ആവശ്യമില്ല. പകരം ആവശ്യത്തിന് നനച്ചു കൊടുക്കാം. 

ദീർഘകാലം വിളവ് തരുന്ന പച്ചക്കറികൾ നടുന്നത് എന്തുകൊണ്ടും നല്ലതാണ്. അത്തരം വിളകൾ കൂടി തോട്ടത്തിൽ ഉൾപ്പെടുത്താം.