Agriculture
ആവശ്യമായ കാപ്സിക്കം ഇനി നമുക്ക് വീട്ടിൽ തന്നെ വളർത്തിയെടുക്കാം. ഇക്കാര്യങ്ങൾ ശ്രദ്ധിച്ചാൽ മതി.
പാത്രങ്ങളിലാണ് കാപ്സിക്കം വളർത്തുന്നതെങ്കിൽ നല്ല നേരിയ മണ്ണ് തിരഞ്ഞെടുക്കാം. കംപോസ്റ്റിനൊപ്പം പോട്ടിംഗ് മിശ്രിതവുമാവാം. വിത്താണ് നടേണ്ടത്. വിരൽകൊണ്ട് മണ്ണിളക്കി വിത്ത് നടാം.
സൂര്യപ്രകാശം കിട്ടുന്നിടത്താണ് ഇത് വയ്ക്കേണ്ടത്. എന്നാൽ, നല്ല വെയിലിന് പകരം ഭാഗികമായി തണൽ കിട്ടുന്നുണ്ടെന്ന് ഉറപ്പാക്കണം.
ഭൂരിഭാഗം ചെടികളും പോലെത്തന്നെ നല്ല വെള്ളമൊഴിച്ചാൽ ചിലപ്പോൾ വേര് ചീഞ്ഞുപോകാൻ കാരണമായിത്തീരാം. ആവശ്യത്തിന് മാത്രം നനയ്ക്കണം. എന്നുവച്ച് മണ്ണ് വരണ്ടു പോകാതിരിക്കാനും ശ്രദ്ധിക്കണം.
10-15 സെന്റി മീറ്റർ നീളത്തിൽ വളർന്നാൽ ചെടി മറ്റൊരിടത്തേക്ക് മാറ്റി നടാം. രണ്ട് ചെടികൾ തമ്മിൽ അകലം വയ്ക്കാൻ ശ്രദ്ധിക്കണം.
മാറ്റിനടുമ്പോൾ വേരുകൾ പൊട്ടാതെ സൂക്ഷിക്കണം. പുതിയ സ്ഥലത്ത് നല്ല സൂര്യപ്രകാശം കിട്ടണം.
രണ്ടുമൂന്നു മാസം കഴിയുമ്പോൾ കാപ്സിക്കം പറിച്ചെടുത്ത് ഉപയോഗിക്കാം.