സൗന്ദര്യസംരക്ഷണം

സൗന്ദര്യസംരക്ഷണത്തിന് ഇന്ന് പലരും ഉപയോ​ഗിക്കുന്ന ഒന്നാണ് കറ്റാർ വാഴ. കറ്റാർവാഴയുടെ ജെൽ പുറത്ത് നിന്നും വാങ്ങുന്നതിനേക്കാൾ നല്ലത് കറ്റാർവാഴ വീട്ടിൽ വളർത്തുന്നതാണ്. 

അല്പം ശ്രദ്ധിച്ച് പരിചരിച്ചാൽ ആവശ്യത്തിനുള്ള കറ്റാർവാഴ വീട്ടിൽ തന്നെ നട്ടുവളർത്താം. 

ജലാംശം കൂടുതലുള്ള സസ്യമാണ് കറ്റാർവാഴ. അതിനാൽ, വെള്ളം നന്നായി വലിച്ചെടുക്കുന്ന മണ്ണിൽ വേണം നടാൻ. 

കുറച്ച് വലിയ കണ്ടെയിനറുകൾ തന്നെ കറ്റാർവാഴ നടാൻ വേണ്ടി തിരഞ്ഞെടുക്കാം. വേരുകൾ പടരാനും ആരോ​ഗ്യത്തോടെ കൂടുതൽ വളരാനും അതാണ് നല്ലത്. 

അധികം വെള്ളം നൽകിയാൽ എല്ലാ സസ്യങ്ങളേയും പോലെ തന്നെ കറ്റാർവാഴയും ചീഞ്ഞുപോകും. അതിനാൽ ശ്രദ്ധിച്ചുവേണം വെള്ളം നൽകാൻ. 

വളവും അധികം വേണ്ട. കൂടുതല്‍ വളം നൽകിയാൽ നശിച്ചുപോകുന്ന ചെടിയാണിത്. വളപ്രയോ​ഗം ഇല്ലാതെ തന്നെ വളർന്നോളും. 

കൃത്യമായ സൂര്യപ്രകാശം ആറ് മണിക്കൂറെങ്കിലും കിട്ടണം. എന്നാൽ, കത്തുന്ന വെയിലടിക്കുന്ന സ്ഥലങ്ങളിൽ നടാതിരിക്കാം. 

കൂടുതൽ തണ്ടുകൾ വളർന്ന് വരുമ്പോൾ പുതിയ കണ്ടെയിനറിലേക്ക് മാറ്റിനടാം. അതുപോലെ തണ്ടുകൾ മുറിക്കുമ്പോൾ ഒരുമിച്ച് മുറിക്കരുത്. കുറച്ചെണ്ണം ബാക്കിവയ്ക്കണം.