വെളുത്തുള്ളി

മിക്കവാറും എല്ലാ കറികളിലും നമ്മൾ വെളുത്തുള്ളി ഉപയോ​ഗിക്കാറുണ്ട്. വെളുത്തുള്ളി തുടര്‍ച്ചയായി കഴിച്ചാല്‍ അമിതരക്തസമ്മർദ്ദം കുറയുമെന്നാണ് പറയുന്നത്. 

വെളുത്തുള്ളി സ്ഥിരമായി കടയിൽ നിന്നും വാങ്ങുന്നതിന് പകരം നമ്മുടെ വീട്ടിൽ തന്നെ അത്യാവശ്യത്തിനുള്ളത് വളർത്തിയെടുക്കാം. 

അല്‍പം മണലിന്റെ അംശമുള്ള മണ്ണ് തെരഞ്ഞെടുക്കണം. നീര്‍വാര്‍ച്ചയുള്ള മണ്ണില്‍ വളരാന്‍ ഇഷ്ടപ്പെടുന്ന ചെടിയാണ് വെളുത്തുള്ളി എന്നർത്ഥം.

കമ്പോസ്റ്റ് ചേര്‍ത്ത് മണ്ണ് അനുയോജ്യമായ രീതിയില്‍ പാകപ്പെടുത്തിയെടുക്കാം. നന്നായി വളം ആവശ്യമുണ്ട് ഇതിന്.

നമ്മുടെ വീട്ടിലുള്ള വെളുത്തുള്ളി തന്നെ നടാനായി എടുക്കാം. ചീഞ്ഞതോ കേടായതോ എടുക്കരുത്. 

കമ്പോസ്റ്റൊക്കെ ചേര്‍ത്ത് മണ്ണ് പാകപ്പെടുത്തിയെടുത്ത ശേഷം വേണം വെള്ളത്തില്‍ കുതിര്‍ത്ത് വെച്ച വെളുത്തുള്ളി അല്ലികള്‍ നടുന്നത്. അഞ്ച് ദിവസങ്ങള്‍ക്കുള്ളില്‍ തന്നെ മുളച്ച് വരും.

പക്ഷേ, മൂന്നോ നാലോ മാസം കഴിഞ്ഞേ വിളവെടുക്കാനാവൂ. അധികം പരിചരണമൊന്നും കൂടാതെ തന്നെ നല്ല വിളവ് കിട്ടും.