ഇതാണ് ഫ്യൂഷിയ, പുതിയ ഓപ്പറേറ്റിങ് സിസ്റ്റവുമായി ഗൂഗിള്‍
കഴിഞ്ഞ വര്‍ഷങ്ങളില്‍, ഗൂഗിള്‍ പുതിയ ഓപ്പറേറ്റിംഗ് സിസ്റ്റത്തില്‍ ഒരു സ്മാര്‍ട്ട് ഹോം സെറ്റപ്പ്, ക്രോംബുക്കുകള്‍ എന്നിവയുള്‍പ്പെടെ നിരവധി ഉപകരണങ്ങളില്‍ പരീക്ഷണം നടത്തി. ഏകദേശം 5 വര്‍ഷത്തിനുശേഷം, ഗൂഗിള്‍ ഒടുവില്‍ ഫ്യൂഷിയ ഒ.എസ് പുറത്തിറക്കാന്‍ തുടങ്ങുകയാണ്.
 )
Followഒരു ഓപ്പറേറ്റിംഗ് സിസ്റ്റമെന്ന നിലയില്‍ ആന്‍ഡ്രോയിഡിന് ആമുഖം ആവശ്യമില്ല. ഫോണുകള്‍, ടിവികള്‍, വാച്ചുകള്‍, ടാബ്‌ലെറ്റുകള്‍ എന്നിവയുള്‍പ്പെടെയുള്ള സ്മാര്‍ട്ട് ഉപകരണങ്ങളുടെ വിപണിയില്‍ ഗൂഗിളിന്റെ മൊബൈല്‍ ഓപ്പറേറ്റിംഗ് സിസ്റ്റം ഇന്ന് ആധിപത്യം പുലര്‍ത്തുന്നു. ഗൂഗിള്‍ വളരെക്കാലമായി പ്രവര്‍ത്തിച്ചുകൊണ്ടിരിക്കുന്ന മറ്റൊരു ഓപ്പറേറ്റിംഗ് സിസ്റ്റം ഉണ്ട്. ഇതിനെ ഫ്യൂഷിയ ഒ.എസ് എന്ന് വിളിക്കുന്നു, ഇത് ഒടുവില്‍ ആദ്യത്തെ ഉപഭോക്തൃ ഉപകരണത്തില്‍ അരങ്ങേറുകയാണ്. ഗൂഗിള്‍ നെസ്റ്റ് ഹബ് സ്മാര്‍ട്ട് ഡിസ്‌പ്ലേയില്‍ ഇതാണ് വരുന്നത്.
ആദ്യ തലമുറ ഗൂഗിള്‍ നെസ്റ്റ് ഹബിന് ഫ്യൂഷിയ ഒ.എസ് ലഭിക്കാന്‍ തുടങ്ങി. ഫ്യൂഷിയ ഒ.എസ് ആദ്യമായി 2016ല്‍ പ്രവര്‍ത്തിക്കാന്‍ തുടങ്ങിയിരുന്നു. എന്നാല്‍ അധികമാരും അറിഞ്ഞില്ലെന്നു മാത്രം. കഴിഞ്ഞ വര്‍ഷങ്ങളില്‍, ഗൂഗിള്‍ പുതിയ ഓപ്പറേറ്റിംഗ് സിസ്റ്റത്തില്‍ ഒരു സ്മാര്‍ട്ട് ഹോം സെറ്റപ്പ്, ക്രോംബുക്കുകള്‍ എന്നിവയുള്‍പ്പെടെ നിരവധി ഉപകരണങ്ങളില്‍ പരീക്ഷണം നടത്തി. ഏകദേശം 5 വര്‍ഷത്തിനുശേഷം, ഗൂഗിള്‍ ഒടുവില്‍ ഫ്യൂഷിയ ഒ.എസ് പുറത്തിറക്കാന്‍ തുടങ്ങുകയാണ്.
മുമ്പ് ഗൂഗിള്‍ ഹോം ഹബ് എന്നറിയപ്പെട്ടിരുന്ന ഗൂഗിള്‍ നെസ്റ്റ് ഹബ് 2018 ല്‍ പുറത്തിറങ്ങിയെങ്കിലും അതില്‍ ഇത് ഉപയോഗിച്ചിരുന്നില്ല. എന്നാല്‍, പിന്നീട് ഈ മോഡലുകളിലൊന്ന് ബ്ലൂടൂത്ത് എസ്‌ഐജി വെബ്‌സൈറ്റില്‍ അടുത്തിടെ ഫ്യൂഷിയ 1.0 ഉപയോഗിച്ച് പ്രത്യക്ഷപ്പെട്ടു. ഇതിനര്‍ത്ഥം, പുതിയ ഡവലപ്പര്‍മാര്‍ക്കെങ്കിലും പുതിയ ഒ.എസ് നല്‍കാന്‍ ഗൂഗിള്‍ തയ്യാറാണെന്നാണ്. മാത്രമല്ല, ഫ്യൂഷിയ ഒ.എസുമായി അതിന്റെ വിശാലമായ ഐഒടി ഉപകരണങ്ങള്‍ എത്തിക്കാനുള്ള ഗൂഗിളിന്റെ പദ്ധതിയെക്കുറിച്ചും സൂചനയുണ്ട്.
പക്ഷേ, എല്ലാവിധത്തിലും, പുതിയ സോഫ്റ്റ്‌വെയര്‍ നെസ്റ്റ് ഹബിന്റെയോ അതിന്റെ ഇന്റര്‍ഫേസിന്റെയോ പ്രവര്‍ത്തനത്തില്‍ മാറ്റങ്ങളൊന്നും വരുത്തുകയില്ല. സിര്‍ക്കോണ്‍ എന്ന മൈക്രോ കേര്‍ണലിനെ അടിസ്ഥാനമാക്കിയുള്ള ഫ്യൂഷിയ ഒ.എസ്, ഗൂഗിളിന്റെ സ്മാര്‍ട്ട് ഡിസ്‌പ്ലേകളെ അടിസ്ഥാനമാക്കിയുള്ള ലിനക്‌സ് അധിഷ്ഠിത കാസ്റ്റ് ഒ.എസിനെ മാറ്റിസ്ഥാപിക്കും. സ്മാര്‍ട്ട് ഡിസ്‌പ്ലേകളിലെ ഇന്റര്‍ഫേസിനും ആപ്ലിക്കേഷന്‍ അനുഭവത്തിനും അനുസൃതമായി ഗൂഗിള്‍ ഫ്‌ലട്ടര്‍ ഉപയോഗിച്ചതിനാലാണിത്.
എന്നാല്‍, പുതിയ ഒഎസില്‍ നിന്ന് കാര്യമായൊന്നും ഇപ്പോള്‍ പുറത്തുവരുന്നില്ല, പക്ഷേ ഗൂഗിള്‍ പറഞ്ഞു, ഫ്യൂഷിയ ഒഎസ് ഒരു 'പ്രൊഡക്ഷന്‍ഗ്രേഡ് ഓപ്പറേറ്റിംഗ് സിസ്റ്റമാണ്, അത് സുരക്ഷിതവും അപ്‌ഡേറ്റ് ചെയ്യാവുന്നതുമാണ്. ഉള്‍ക്കൊള്ളുന്നതും പ്രായോഗികവുമാണ്. ' ലാപ്‌ടോപ്പുകളിലും സ്മാര്‍ട്ട്‌ഫോണുകളിലും ഫ്യൂഷിയ ഒ.എസ് ഉപയോഗിക്കാന്‍ ഗൂഗിളിന് പദ്ധതിയുണ്ട്. തിരഞ്ഞെടുത്ത ഉപയോക്താക്കള്‍ക്ക് പ്രിവ്യൂ പ്രോഗ്രാം ഇപ്പോള്‍ ലഭ്യമാകുന്നുണ്ട്.
