ചോര പോലെന്തോ ഒഴുകിപ്പരന്നിരിക്കുന്നു, കാൽപ്പാടുകളും; സമ്പാദ്യം മുഴുവൻ നൽകി വാങ്ങിയ വീട്ടിലെത്തിയ യുവതി കണ്ടത്
ആദ്യം അവൾ കരുതിയത് അത് പെയിന്റാണെന്നാണ് എന്നാൽ പിന്നീടാണ് അല്ല വേറെന്തോ ആണെന്നും കാർപ്പെറ്റിന് അടിയിൽ പരന്നിരിക്കുകയാണ് എന്നും മനസിലായത്.
 )
Followവിചിത്രമെന്ന് തോന്നുന്ന അനേകം കാര്യങ്ങൾ ഇപ്പോൾ സോഷ്യൽ മീഡിയയിൽ വൈറലായി മാറുന്നുണ്ട്. അതുപോലെ ഒരു യുവതിയുടെ അനുഭവമാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഒരു വീട് വാങ്ങുക എന്നാൽ ചിലപ്പോൾ ജീവിതത്തിലെ തന്നെ എല്ലാ സമ്പാദ്യങ്ങളും അതിന് മുകളിൽ ചിലവഴിക്കുക എന്നായിരിക്കും അല്ലേ? അതുപോലെയാണ് ഈ യുവതിയും തന്റെ സമ്പാദ്യമെല്ലാം തുടച്ചുവാരി ഒരു വീട് വാങ്ങിയത്.
എന്നാൽ, അവിടെയുണ്ടായ ഞെട്ടിക്കുന്ന അനുഭവമാണ് പിന്നീട് ഇവർ സോഷ്യൽ മീഡിയയിൽ പങ്കുവച്ചത്. ഓഡ്രി എന്ന സ്ത്രീയാണ് തന്റെ അനുഭവം പങ്കുവച്ചത്. പുതിയ വീട്ടിലെത്തിയ തനിക്ക് ഒരു മോശം സർപ്രൈസ് കിട്ടി എന്നാണ് തന്റെ അനുഭവത്തെ കുറിച്ച് അവർ പറയുന്നത്. പുതിയ വീട്ടിലേക്കെത്തിയ യുവതി യൂട്ടിലിറ്റി മുറിയിലെ കാർപ്പെറ്റ് മാറ്റിയപ്പോൾ കണ്ട കാഴ്ച അമ്പരപ്പിക്കുന്നതായിരുന്നു എന്നാണ് പറയുന്നത്. അതിന് കീഴെ രക്തം പോലെ ചുവന്ന ദ്രാവകവും കാൽപ്പാടുകളുമാണത്രെ ഓഡ്രി കണ്ടത്.
ആദ്യം അവൾ കരുതിയത് അത് പെയിന്റാണെന്നാണ് എന്നാൽ പിന്നീടാണ് അല്ല വേറെന്തോ ആണെന്നും കാർപ്പെറ്റിന് അടിയിൽ പരന്നിരിക്കുകയാണ് എന്നും മനസിലായത്. ടിക്ടോക്കിലാണ് ഓഡ്രി തന്റെ അനുഭവം പങ്കുവച്ചത്. തങ്ങൾ പുതിയൊരു വീട് വാങ്ങി. ഇവിടെ ആരോ കൊല്ലപ്പെട്ടിട്ടുണ്ട് എന്നാണ് തങ്ങൾക്ക് തോന്നുന്നത് എന്നായിരുന്നു വീഡിയോയിൽ അവൾ പറഞ്ഞത്. തങ്ങൾ പൊലീസിനെ വിളിച്ചിരുന്നു. ആദ്യം എത്തിയ ഉദ്യോഗസ്ഥർ ഇത് കണ്ട് അമ്പരന്നു. കൂടുതൽ പേരെ വിളിച്ചു. ഇപ്പോൾ അന്വേഷണം നടക്കുകയാണ് എന്നും ഇവർ പറയുന്നു.
വളരെ പെട്ടെന്നാണ് വീഡിയോ വൈറലായി മാറിയത്. പലരും അവിടെ നിന്ന് ഓടിരക്ഷപ്പെട്ടോളൂ എന്നാണ് ഓഡ്രിയോടും കുടുംബത്തോടും പറഞ്ഞത്. എന്നാൽ, തന്റെ സമ്പാദ്യം മുഴുവനും കൊടുത്ത് വാങ്ങിയ വീടാണ്, അതിനാൽ ഓടിപ്പോവാൻ പറ്റില്ല എന്നാണ് യുവതിയുടെ പ്രതികരണം.
