ചവറ്റുകൊട്ടയിലിട്ട ഭാഗ്യം, 1.7 കോടി രൂപ, ഭർത്താവിന്റെ ചെറിയ സംശയത്തിൽ നിന്നും വലിയ സർപ്രൈസ്
ലോട്ടറി ടിക്കറ്റ് സ്ക്രാച്ച് ചെയ്തപ്പോൾ കണ്ട നമ്പറിൽ സ്ത്രീക്ക് വലിയ വിശ്വാസം തോന്നിയില്ല. എന്തായാലും, ഈ ലോട്ടറി നമ്പറിന് സമ്മാനമൊന്നും അടിക്കാൻ പോകുന്നില്ല എന്ന് അവരങ്ങ് തീരുമാനിക്കുകയും ചെയ്തു.
 )
Followലോകത്തിലെ ഏറ്റവും വലിയ സാമ്പത്തികമായ ഭാഗ്യങ്ങളിൽ ഒന്ന് ലോട്ടറിയടിക്കുക എന്നതാണ് എന്ന് പറയാറുണ്ട്. എന്നാൽ, വളരെ ചുരുക്കം പേർക്കാണ് ആ ഭാഗ്യം ലഭിക്കാറുള്ളത്. വളരെ അപ്രതീക്ഷിതമായി ലോട്ടറിയടിക്കുന്നവരുടെ സന്തോഷം പറഞ്ഞറിയിക്കാനാവില്ല. എന്തായാലും യുഎസ്സിലെ സൗത്ത് കരോലിനയിൽ നിന്നുള്ള ഒരു സ്ത്രീയുടെ കഥ അതിലും രസമാണ്. കയ്യിൽ വന്ന ഭാഗ്യം ഇതാ പോയി എന്ന് തോന്നുന്നിടത്ത് നിന്നാണ് ഈ സ്ത്രീക്ക് വീണ്ടും ഭാഗ്യം വന്നു ചേർന്നിട്ടുള്ളത്. അതും ചില്ലറയൊന്നുമല്ല, 1.6 കോടി രൂപ.
എന്തായാലും ലോട്ടറിയടിച്ച സ്ത്രീയുടെ പേര് വിവരങ്ങൾ ലഭ്യമല്ല. സൗത്ത് കരോലിന എജ്യുക്കേഷൻ ലോട്ടറി ടിക്കറ്റാണ് അവർ വാങ്ങിയത്. ലോട്ടറി ടിക്കറ്റ് സ്ക്രാച്ച് ചെയ്തപ്പോൾ കണ്ട നമ്പറിൽ സ്ത്രീക്ക് വലിയ വിശ്വാസം തോന്നിയില്ല. എന്തായാലും, ഈ ലോട്ടറി നമ്പറിന് സമ്മാനമൊന്നും അടിക്കാൻ പോകുന്നില്ല എന്ന് അവരങ്ങ് തീരുമാനിക്കുകയും ചെയ്തു. അതുകൊണ്ട് തന്നെ അവരത് ചവറ്റുകൊട്ടയിലും ഇട്ടു. എന്നാൽ, ഭാഗ്യം അവരുടെ ഭർത്താവിന്റെ രൂപത്തിലാണ് വന്നത്. അദ്ദേഹം ആ ചവറ്റുകൊട്ടയിലിട്ട ലോട്ടറി ടിക്കറ്റ് കണ്ടു.
തന്റെ ഭാര്യ അബദ്ധത്തിലാവും ആ ലോട്ടറി ടിക്കറ്റ് ചവറ്റുകൊട്ടയിലിട്ടത് എന്നാണ് ഭർത്താവ് കരുതിയത്. അങ്ങനെ ആ പകുതി മാത്രം സ്ക്രാച്ച് ചെയ്ത ലോട്ടറി ടിക്കറ്റ് അയാളെടുത്ത് മുഴുവനായും സ്ക്രാച്ച് ചെയ്തു. അതിലുണ്ടായിരുന്ന നമ്പറുകൾ കണ്ടപ്പോഴാണ് അയാളാകെ ഞെട്ടിപ്പോയത്. അത് സമ്മാനമടിച്ച നമ്പറായിരുന്നു. അങ്ങനെ അയാൾ ഭാര്യയെ വിളിച്ച് കാര്യം പറയുകയും ചെയ്തു. നോക്ക് ഈ ലോട്ടറി ടിക്കറ്റിന് സമ്മാനമുണ്ട് എന്നായിരുന്നു പറഞ്ഞത്. അത് കേട്ടതും ഭാര്യയും ഞെട്ടിപ്പോയി.
ഏതായാലും, ഒരുകോടിയുടെ ലോട്ടറി ടിക്കറ്റ് കളയാൻ പോയതിന്റെയും പിന്നീടത് തിരികെ ലഭിച്ചതിന്റെയും ആശ്ചര്യത്തിലും സന്തോഷത്തിലുമാണ് ഈ ദമ്പതികളെന്നാണ് റിപ്പോർട്ട്.
