മൂന്നു ബെഡ്റൂം വീട്, പതിനായിരങ്ങൾ വില വരുന്ന ബാഗ്; പ്രസവിക്കാനുള്ള യുവതിയുടെ ഡിമാൻഡ് കണ്ടോ?
പ്രസവിച്ച ശേഷം തനിക്ക് തന്റെ ശരീരത്തിന്റെ ഷേപ്പ് പഴയതുപോലെയാക്കാൻ ഒരു പേഴ്സണൽ ട്രെയിനറെ വേണമെന്നും ഭർത്താവ് തന്നെ അതിന്റെ ചെലവുകൾ നോക്കണമെന്നും നോറ തലാൽ പറഞ്ഞു.
 )
Followവിവാഹം, കുഞ്ഞുങ്ങളുടെ ജനനം എന്നിവയെല്ലാം പലരും ആഗ്രഹത്തോടെ കാത്തിരിക്കുന്ന നിമിഷങ്ങളാണ്. എന്നാൽ, പ്രസവിക്കണമെങ്കിൽ ഒരു യുവതി മുന്നോട്ട് വച്ചിരിക്കുന്ന ഡിമാൻഡുകളാണ് ഇപ്പോൾ സോഷ്യൽ മീഡിയയെ അമ്പരപ്പിച്ചിരിക്കുന്നത്. തനിക്ക് ഡിസൈനർ ബാഗ് വേണം, മൂന്ന് കിടപ്പുമുറികളുള്ള വീട് വേണം തുടങ്ങിയവയാണ് യുവതിയുടെ പ്രഗ്നൻസി കണ്ടീഷനുകൾ.
നോറ തലാൽ എന്ന 26 -കാരിയാണ് തന്റെ വിചിത്രമായ ഡിമാൻഡുകൾ കൊണ്ട് സോഷ്യൽ മീഡിയയെ അമ്പരപ്പിച്ചിരിക്കുന്നത്. നോറയുടെ വിവാഹം പോലും കഴിഞ്ഞിട്ടില്ല. താൻ ഇപ്പോൾ അവിവാഹിതയാണ്, തന്റെ ആഗ്രഹങ്ങളെല്ലാം നിറവേറ്റാൻ സാധിക്കുന്ന ഒരു ധനികനെ മാത്രമേ താൻ വിവാഹം കഴിക്കൂ എന്നാണ് നോറ തലാൽ പറയുന്നത്. തനിക്ക് വേണ്ടി ലക്ഷക്കണക്കിന് പണം ചെലവഴിക്കാൻ അയാൾക്ക് സാധിക്കണമെന്നും നോറ പറയുന്നു.
ലണ്ടനിലെ വെസ്റ്റ് ഹാംപ്‌സ്റ്റെഡിൽ താമസിക്കുന്ന നോറ ടെക് സെയിൽസിലാണ് ജോലി ചെയ്യുന്നത്. താൻ ഒരോ കുഞ്ഞിന് ജന്മം നൽകുമ്പോഴും തനിക്ക് കുറഞ്ഞത് 1000 ഡോളർ (ഏകദേശം 83,464 രൂപ) വിലയുള്ള ഒരു സമ്മാനം വേണം. അത് ഡിസൈനർ ബാഗോ വിലകൂടിയ ഷൂവോ ആകാം. അതുപോലെ, ലണ്ടനിലോ പരിസരത്തോ മൂന്ന് കിടപ്പുമുറിയുള്ള വീടും വേണം. ആ വീട്ടിൽ പ്രസവാനന്തര പരിചരണത്തിനായി ഒരു സ്വകാര്യ മുറിയും തനിക്ക് വേണമെന്നും അവൾ പറഞ്ഞു.
താൻ ഈ ലൈഫ് സ്റ്റൈൽ ഒരുപാട് കഷ്ടപ്പെട്ട് ഉണ്ടാക്കിയെടുത്തതാണ്. ഒരു കുഞ്ഞിന് ജന്മം നൽകി അതെന്തിന് നശിപ്പിക്കണം എന്നാണ് അവൾ ചോദിക്കുന്നത്. ഒപ്പം, പ്രസവിച്ച ശേഷം തനിക്ക് തന്റെ ശരീരത്തിന്റെ ഷേപ്പ് പഴയതുപോലെയാക്കാൻ ഒരു പേഴ്സണൽ ട്രെയിനറെ വേണമെന്നും ഭർത്താവ് തന്നെ അതിന്റെ ചെലവുകൾ നോക്കണമെന്നും നോറ തലാൽ പറഞ്ഞു. ഭർത്താവും തന്നോടൊപ്പം കുഞ്ഞിനെ പരിചരിക്കാൻ പരിശീലനം നൽകുന്ന ക്ലാസുകളിൽ പങ്കെടുക്കണം. അങ്ങനെയെങ്കിൽ ഭർത്താവിനും കുഞ്ഞിനെ പരിചരിക്കാമല്ലോ എന്നും അവൾ അഭിപ്രായപ്പെടുന്നു.
എന്തായാലും, നോറയുടെ ആവശ്യങ്ങൾ കേട്ട് അമ്പരന്നിരിക്കയാണ് നെറ്റിസൺസ്.
(ചിത്രം പ്രതീകാത്മകം)
