Kaloor Infant Murder : കുഞ്ഞിനെ ബാത്ത്‌റൂമിലെ ബക്കറ്റില്‍ വെള്ളം നിറച്ച് മുക്കിക്കൊന്നെന്ന് പ്രതി
കുഞ്ഞിനെ ബാത്ത്‌റൂമിലെ ബക്കറ്റില്‍ വെള്ളം നിറച്ച് മുക്കിക്കൊന്നെന്ന് പ്രതി പൊലീസിനോട്. മുത്തശ്ശി റൂമില്‍ ഇല്ലാത്ത സമയത്താണ് സംഭവം. മുത്തശ്ശിയും കാമുകനും കസ്റ്റഡിയില്‍.
Follow
കുഞ്ഞിനെ ബാത്ത്‌റൂമിലെ ബക്കറ്റില്‍ വെള്ളം നിറച്ച് മുക്കിക്കൊന്നെന്ന് മുത്തശ്ശിയുടെ സുഹൃത്ത് പൊലീസിനോട്. അങ്കമാലി കോട്ടശ്ശേരി സ്വദേശി സജീവിൻ്റേയും ഡിക്സിയുടേയും മകൾ നോറ മരിയയാണ് കൊല്ലപ്പെട്ടത്. സംഭവത്തിൽ പള്ളുരുത്തി സ്വദേശിയായ ജോൺ ബിനോയ് ഡിക്രൂസിനെയും കുഞ്ഞിന്റെ മുത്തശ്ശിയെയും പൊലീസ് കസ്റ്റഡിയിലെടുത്തു.
കൊച്ചി കലൂരിലെ ഹോട്ടൽ മുറിയിൽ വച്ചാണ് കുഞ്ഞിനെ ബാത്ത്‌റൂമിലെ ബക്കറ്റില്‍ വെള്ളം നിറച്ച് മുക്കിക്കൊന്നത് . മുത്തശ്ശി റൂമില്‍ ഇല്ലാത്ത സമയത്താണ് പ്രതി കുഞ്ഞിനെ കൊലപ്പെടുത്തിയത്. ചൊവ്വാഴ്ച പുലർച്ചെ രണ്ട് മണിയോടെയാണ് കുഞ്ഞ് ഛർദിച്ച് അവശനിലയിലായെന്നും അനക്കമില്ലെന്നും പറഞ്ഞ് മുത്തശ്ശി ഹോട്ടലിന്റെ റിസപ്ഷനിലെത്തിയത്. തുടർന്ന് ഇവർ കുഞ്ഞിനെ കൊച്ചിയിലെ ഒരു ആശുപത്രിയിൽ എത്തിച്ചെങ്കിലും മരണപ്പെട്ടിരുന്നു.
സംശയം തോന്നിയ ഡോക്ട‍ർമാർ പൊലീസിനെ വിവരം അറിയിച്ചു. പോസ്റ്റ് മോ‍ർട്ടം പരിശോധനയിൽ കുഞ്ഞിനെ വെള്ളത്തിൽ മുക്കിക്കൊല്ലുകയായിരുന്നുവെന്ന് വ്യക്തമായതോടെ പൊലീസ് യുവാവിനേയും സിക്സിയേയും കൊച്ചി നോർത്ത് സ്റ്റേഷനിലെത്തിച്ച് വീണ്ടും ചോദ്യം ചെയ്യുകയും പിന്നീട് അറസ്റ്റ് ചെയ്യുകയുമായിരുന്നു.
