Mariyappally Accident : കോട്ടയം മറിയപ്പള്ളിയിൽ അപകടക്കെണിയായി പാറമടക്കുളങ്ങൾ

കോട്ടയം മറിയപ്പള്ളിയിൽ അപകടകെണിയായി നിരവധി പാറമട കുളങ്ങളാണുള്ളത്. 45 വർഷമായി ഉപേക്ഷിക്കപ്പെട്ട കുളത്തിലാണ് തിരുവനന്തപുരം സ്വദേശി അജികുമാർ ലോറിയുമായി വീണ് കഴിഞ്ഞ ദിവസം മരിച്ചത്. ചെറുതും വലുതുമായ 28 കുളങ്ങളാണ് ഈ പ്രദേശത്തുള്ളത്. 100 അടി അവരെ താഴ്ചയുള്ള ഈ പാറമടകളിൽ വീണാൽ മരണം ഉറപ്പാണ്. ഒരു ഭാഗത്ത് പാറയും, മറുഭാഗത്ത് പാടവുമായുള്ള പ്രദേശത്ത് നേരത്തെയും വാഹനങ്ങൾ വീണ് അപകടമുണ്ടായിട്ടുണ്ട്. വീതിയില്ലാത്ത റോഡിന്റെ വശങ്ങളിൽ സുരക്ഷയില്ല. അപകടം സംഭവിച്ചാൽ കുളത്തിൽ വീഴുമെന്ന് ഉറപ്പാണ്. മാലിന്യം നിക്ഷേപിക്കാനും, ആളുകളെ കൊന്ന് തള്ളാനുമൊക്കെയായി മാറിയിരിക്കുകയാണ് ഈ കുളങ്ങൾ. പ്രദേശത്തെ കുളങ്ങൾ ശുദ്ധജല സംഭരണികളാക്കി മാറ്റണമെന്നാണ് നാട്ടുകാരുടെ ഏറെനാളുകളായുള്ള ആവശ്യം.