Uttarakhand Election Results : ഉത്തരാഖണ്ഡിലെ കോൺഗ്രസ് മുഖ്യമന്ത്രി സ്ഥാനാർത്ഥി ഹരീഷ് റാവത്തിന് തോൽവി

ഉത്തരാഖണ്ഡിലെ കോൺഗ്രസ് മുഖ്യമന്ത്രി സ്ഥാനാർത്ഥി ഹരീഷ് റാവത്തിന് തോൽവി. ലാൽകുവ അസംബ്ലി നിയോജക മണ്ഡലത്തിൽ നിന്നാണ് ഹരീഷ് റാവത്ത് ജനവിധി തേടിയത്. ബിജെപിയുടെ മോഹൻ സിംഗ് ബിഷ്ത്ത് ആണ് ഹരീഷ് റാവത്തിനെ പരാജയപ്പെടുത്തിയത്. ഉത്തരാഖണ്ഡിലെ നിയമസഭ തെരഞ്ഞെടുപ്പില്‍ (Uttarakhand Assembly Election) ചരിത്രം രചിച്ചിരിക്കുകയാണ് ബിജെപി. ചരിത്രത്തിലാദ്യമായി ഭരണത്തുടർച്ച നേടുന്ന പാർട്ടിയായി ബിജെപി മാറി. 70 സീറ്റുകളുള്ള സംസ്ഥാനത്ത് 41 സീറ്റുകൾ നേടിയാണ് ബിജെപി തുടർഭരണമെന്ന ചരിത്രം കുറിക്കുന്നത്. 25 സീറ്റുകളിൽ മാത്രമാണ് കോൺ​ഗ്രസിന് ലീഡ് ചെയ്യാനായത്.