'അല്ല ഇതിപ്പോ...', ടെന്നീസ് മത്സരത്തിനിടെ ചീറി പായുന്ന ബോളില്‍ കണ്ണുറപ്പിച്ച് നായയും മനുഷ്യരും; വീഡിയോ വൈറല്‍
ടെന്നീസ് ബോള്‍ ഒരു കോർട്ടില്‍ നിന്നും മറ്റൊന്നിലേക്ക് ശരവേഗത്തില്‍ നീങ്ങുമ്പോള്‍ പട്ടിയുടെയും മനുഷ്യരുടെയും മുഖം ആ ദിക്കിലേക്ക് തിരിയും പന്തി തിരിച്ചെത്തുമ്പോള്‍ തിരിച്ചും.
 )
Follow
നായകളും പൂച്ചകളും മനുഷ്യരുമായി ബന്ധം സ്ഥാപിച്ചിട്ട് സംവത്സരങ്ങളായി. മനുഷ്യന്‍റെ പല ചെയ്തികളും അറിയാതെയാണെങ്കില്‍ പോലും ഇവ അനുകരിക്കുന്നത് പലപ്പോഴും നമ്മള്‍ കാണാറുണ്ട്. അത്തരമൊരു വീഡിയോ സമൂഹ മാധ്യമങ്ങളില്‍ പങ്കുവയ്ക്കപ്പെട്ടപ്പോള്‍ ഏറെ പേരുടെ ശ്രദ്ധ നേടി. ഒരു കൂട്ടം കാണികള്‍ക്കൊപ്പമിരിക്കുന്ന് ടെന്നീസ് മത്സരം കാണുന്ന ഒരു നായയുടെ വീഡിയോയായിരുന്നു അത്. ഐക സമോയ്ദ് എന്ന ഇന്‍സ്റ്റാഗ്രാം ഉപയോക്താവാണ് വീഡിയോ പങ്കുവച്ചത്. വീഡിയോയില്‍ ഏറ്റവും രസകരമായ സംഗതി ടെന്നീസ് ബോളിനെ പിന്തുടരുന്ന കാഴ്ചക്കാരുടെയും നായയുടെയും മുഖഭാവമാണ്. "അത്തരമൊരു ആരാധകൻ ഹഹഹ, ചെറിയ പന്തിൽ മാസ്റ്റർ ഏകാഗ്രത" എന്ന കുറിപ്പോടെയായിരുന്നു വീഡിയോ പങ്കുവയ്ക്കപ്പെട്ടത്.
ടെന്നീസ് ബോള്‍ ഒരു കോര്‍ട്ടില്‍ നിന്നും മറുകോർട്ടിലേക്ക് ശരവേഗം പോകുമ്പോള്‍ കാണുകളുടെയും നായയുടെയും തല ഓരേ താളത്തില്‍ പന്തിനെ പിന്തുടരുന്നു. തിരിച്ച് വരുമ്പോഴും ഇത് തന്നെ. ഇങ്ങനെ അങ്ങോട്ടും ഇങ്ങോട്ടും ഓരോ താളത്തില്‍ തിരിയുന്ന കുറച്ച് തലകള്‍. അതിന് ഒരു ഭംഗം വരുന്നത് ഒരു കളിക്കാരന്‍ പോയന്‍റ് നേടുമ്പോഴാണ്. ഈ സമയം കാണികളില്‍ ചിലര്‍ കൈയടിക്കുമ്പോള്‍ നായ നിശബ്ദം നോക്കി നില്‍ക്കുന്നു. നിരവധി കാഴ്ചക്കാര്‍ വീഡിയോയ്ക്ക് കുറിപ്പെഴുതാനെത്തി.
"ഇത്തരത്തിലുള്ള പരിപാടികളില്‍ പങ്കെടുക്കുന്നത് അവൾക്ക് ശീലമാണോ? അവൾ വളരെ നിശബ്ദയായി ഇരിക്കുന്നു" ഒരു ഉപയോക്താവ് ചിരിയുടെ ഇമോജി പങ്കുവച്ച് കൊണ്ട് കുറിച്ചു. "ഞാൻ ഈ പന്ത് പിടിച്ചാൽ കളി അവസാനിക്കുമോ?".മറ്റൊരു കാഴ്ചക്കാരന് നായയ്ക്ക് വേണ്ടിയെന്ന വണ്ണം ചോദിച്ചു. അതേസമയം നിരവധി പേരാണ് വീഡിയോ മനോഹരമായ കാഴ്ചയാണ് സമ്മാനിച്ചതെന്ന് കുറിച്ചത്. ദൈനം ദിന ജീവിതത്തിലെ സങ്കീർണ്ണതകളില്‍പ്പെട്ട് കിടക്കുമ്പോള്‍ ഇത്തരം ചില കാഴ്ചകൾ മനുഷ്യ മനസുകളെ ഏറെ സ്വാധീനിക്കുന്നു. പലര്‍ക്കും ഇത്തരം കാഴ്ചകൾ കാഴ്ചക്കാരന് ഒരു റിലീഫ് സമ്മാനിക്കുന്നുവെന്നതിന് തെളിവാണ് വീഡിയോയ്ക്ക് താഴെയുള്ള നിരവധി കുറിപ്പുകള്‍.
റോഡില്‍ മാത്രമല്ല, ബെംഗളൂരു വിമാനത്തവള റണ്‍വെയിലും ട്രാഫിക് ജാം; വീഡിയോ വൈറല്‍
