തള്ളോട് തള്ള്, യാത്രക്കാരെല്ലാം ചേർന്ന് ആഞ്ഞുതള്ളുന്നത് ട്രെയിൻ, വൈറലായി വീഡിയോ
സ്റ്റേഷനിൽ നിറയെ ആൾക്കാരുണ്ട്. നല്ല തിരക്കുള്ള സമയമാണ്. യാത്രക്കാർ ചേർന്ന് ട്രെയിൻ തള്ളുന്നത് വീഡിയോയിൽ കാണാം. ഒരുപാടാളുകൾ ട്രെയിൻ തള്ളാൻ സഹായിക്കുന്നുണ്ട്.
 )
Followഓരോ ദിവസവും എന്തെല്ലാം വെറൈറ്റി വീഡിയോകളാണ് സോഷ്യൽ മീഡിയയിൽ പ്രചരിക്കുന്നത് അല്ലേ? ലോകത്തെല്ലായിടത്തു നിന്നുമുള്ള സംഭവങ്ങളുടെയും വീഡിയോയും ചിത്രങ്ങളും ഒക്കെ നമുക്ക് മുന്നിലെത്താൻ വെറും സെക്കൻഡുകൾ മാത്രം മതി. എന്തായാലും, ബിഹാറിൽ നിന്നുള്ള രസകരമായ ഒരു വീഡിയോയാണ് സോഷ്യൽ മീഡിയയിൽ ഇപ്പോൾ വൈറലായിക്കൊണ്ടിരിക്കുന്നത്.
കാറിനോ മറ്റോ എന്തെങ്കിലും പറ്റിയാൽ തള്ളുന്നതൊക്കെ നമ്മൾ കണ്ടിട്ടുണ്ട്. എന്നാൽ, ട്രെയിൻ തള്ളുന്നത് കണ്ടിട്ടുണ്ടോ? ഇല്ലെങ്കിൽ ദാ കണ്ടോളൂ. ബിഹാറിൽ നിന്നുള്ള ഈ വൈറൽ വീഡിയോയിൽ ഒരുകൂട്ടം ആളുകൾ ചേർന്ന് ട്രെയിൻ തള്ളുന്ന രസകരമായ കാഴ്ചയാണുള്ളത്. വീഡിയോ എക്സിൽ (ട്വിറ്ററിൽ) പങ്കുവച്ചിരിക്കുന്നത് അതുൽ സിങ് ഷാനു എന്ന യൂസറാണ്. 'ബിഹാർ ഈസ് നോട്ട് ഫോർ ബിഗിനേഴ്സ്' എന്ന കാപ്ഷനോടെയാണ് വീഡിയോ പങ്കുവച്ചിരിക്കുന്നത്.
കിയൂൾ ജെഎൻ സ്റ്റേഷനിൽ വച്ചാണ് യാത്രക്കാർ ട്രെയിൻ തള്ളുന്നത് എന്നും കാപ്ഷനിൽ പറഞ്ഞിട്ടുണ്ട്. സ്റ്റേഷനിൽ നിറയെ ആൾക്കാരുണ്ട്. നല്ല തിരക്കുള്ള സമയമാണ്. യാത്രക്കാർ ചേർന്ന് ട്രെയിൻ തള്ളുന്നത് വീഡിയോയിൽ കാണാം. ഒരുപാടാളുകൾ ട്രെയിൻ തള്ളാൻ സഹായിക്കുന്നുണ്ട്. പ്ലാറ്റ്‍ഫോമിൽ നിൽക്കുകയായിരുന്ന പലരും സംഭവത്തിന്റെ വീഡിയോ പകർത്താൻ ശ്രമിക്കുന്നതും വീഡിയോയിൽ കാണാം. വളരെ പെട്ടെന്ന് തന്നെ സോഷ്യൽ മീഡിയയിൽ വീഡിയോ വൈറലായി മാറി. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്.
നേരത്തെയും ഇതുപോലെ ഒരുകൂട്ടം പേർ ചേർന്ന് ട്രെയിൻ തള്ളുന്ന ഒരു വീഡിയോ സോഷ്യൽ മീഡിയയിൽ വൈറലായി മാറിയിരുന്നു. ട്രെയിനിന്റെ അടിയിൽ പെട്ടുപോയ ഒരു യാത്രക്കാരനെ രക്ഷിക്കുന്നതിന് വേണ്ടിയായിരുന്നു അത്. അയാളെ പുറത്തെത്തിച്ചെങ്കിലും പക്ഷേ അദ്ദേഹത്തിന്റെ ജീവൻ രക്ഷിക്കാൻ സാധിച്ചിരുന്നില്ല.
