'മൊബൈലിങ്ങ് താടീ', ഫോണിന് വേണ്ടി പിടിവലി കൂടുന്ന കുഞ്ഞും കുരങ്ങും, വൈറലായി വീഡിയോ
വീഡിയോയില്‍ നിന്നും മനസിലാവുന്നത് വീടിന് പുറത്താണ് കുഞ്ഞ് ഇരിക്കുന്നത് എന്നാണ്. വീഡിയോ തുടങ്ങുമ്പോള്‍ കുഞ്ഞ് മൊബൈല്‍ കൊണ്ട് കളിക്കുകയാണ്. എന്നാല്‍, അപ്പോഴേക്കും കുരങ്ങന്‍ വന്ന് കുഞ്ഞിന്‍റെ കയ്യില്‍ നിന്നും മൊബൈല്‍ പിടിച്ചുവലിച്ചെടുക്കുകയാണ്.
 )
Followമൃഗങ്ങളുടെ വീഡിയോ കാണുവാന്‍ ആളുകള്‍ക്ക് ഇഷ്ടമാണ്. അതുകൊണ്ട് തന്നെ അത് സാമൂഹിക മാധ്യമ(social media)ങ്ങളില്‍ വളരെ വേഗത്തില്‍ വൈറലാ(viral)വാറുണ്ട്. തീരെ പ്രതീക്ഷിക്കാത്ത തരത്തില്‍ അവ പെരുമാറുമ്പോഴാണ് ആളുകള്‍ക്ക് കൂടുതല്‍ ചിരി വരുന്നത്. അതുപോലെയാണ് ഇന്‍സ്റ്റഗ്രാമില്‍ വൈറലാവുന്ന ഈ വീഡിയോയും.
ഒരു കുഞ്ഞിന്‍റെ കയ്യില്‍ നിന്നും മൊബൈല്‍ തട്ടിപ്പറിക്കുന്ന കുരങ്ങനാണ് വീഡിയോയില്‍. കുട്ടിയും കുരങ്ങന്‍റെ കയ്യില്‍ നിന്നും മൊബൈല്‍ പിടിച്ചുവലിക്കുന്നു. ചുരുക്കിപ്പറഞ്ഞാല്‍ മൊബൈലിനു വേണ്ടിയുള്ള കുഞ്ഞിന്‍റെയും കുരങ്ങന്‍റെയും പിടിവലിയാണ് വീഡിയോയില്‍. എന്നാല്‍, വീഡിയോ കാണുമ്പോള്‍ കുഞ്ഞിനെ കുരങ്ങന്‍ ഉപദ്രവിക്കുമോ എന്നൊരു ഭയം കാണുന്നവരുടെ ഉള്ളിലുണ്ടാവും. എന്നാല്‍, കുട്ടിയെ കുരങ്ങന്‍ ഉപദ്രവിക്കുന്നില്ല. പകരം ഫോണ്‍ തട്ടിപ്പറിച്ചെടുക്കുന്നത് മാത്രമേയുള്ളൂ.
വീഡിയോയില്‍ നിന്നും മനസിലാവുന്നത് വീടിന് പുറത്താണ് കുഞ്ഞ് ഇരിക്കുന്നത് എന്നാണ്. വീഡിയോ തുടങ്ങുമ്പോള്‍ കുഞ്ഞ് മൊബൈല്‍ കൊണ്ട് കളിക്കുകയാണ്. എന്നാല്‍, അപ്പോഴേക്കും കുരങ്ങന്‍ വന്ന് കുഞ്ഞിന്‍റെ കയ്യില്‍ നിന്നും മൊബൈല്‍ പിടിച്ചുവലിച്ചെടുക്കുകയാണ്. എന്നാല്‍, കുഞ്ഞ് വീണ്ടും കുരങ്ങന്‍റെ കയ്യില്‍ നിന്നും ഫോണ്‍ തട്ടിപ്പറിച്ചെടുക്കുന്നു. എന്നാല്‍, നിമിഷങ്ങള്‍ക്കുള്ളില്‍ ഫോണ്‍ വീണ്ടും കുരങ്ങന്‍റെ കയ്യില്‍ തന്നെ.
നിരവധി പേരാണ് വീഡിയോ കണ്ടതും കമന്‍റുകളിട്ടതും റീഷെയര്‍ ചെയ്തതും.
വീഡിയോ കാണാം:
