9.4 മില്ല്യൺ പേർ കണ്ട വീഡിയോ; നോക്ക് ഒരു പൂച്ചക്കുഞ്ഞിന്റെ അനുസരണയോടെ കുളിക്കുന്നതരാണെന്ന്
ശക്തമായ പല്ലുകളുപയോഗിച്ച് ഇരയുടെ തലയോട്ടി പൊട്ടിച്ചാണ് ഇവ ഇരകളെ കീഴ്പ്പെടുത്തുന്നത് എന്നതും പ്രത്യേകതയാണ്. എന്നിരുന്നാലും ഇങ്ങനെയൊരു മൃഗത്തെയാണ് ഒരു പൂച്ചക്കുഞ്ഞിനെ കുളിപ്പിക്കുന്നത് പോലെ യുവതി കുളിപ്പിക്കുന്നത്.
 )
Followവന്യമൃഗങ്ങളുടെ അനേകം വീഡിയോകൾ സോഷ്യൽ മീഡിയയിൽ വൈറലായി മാറാറുണ്ട്. അവ ഇര തേടുന്നതും അവയുടെ അതിജീവനവും ജീവിതവും എല്ലാം കാണാൻ ആളുകൾക്ക് വലിയ താല്പര്യമുണ്ട്. അതേസമയം തന്നെ വന്യമൃഗങ്ങളുമായി ആളുകൾ ഇടപഴകുന്നതിന്റെ വിവിധ വീഡിയോകളും സോഷ്യൽ മീഡിയയിൽ വൈറലായി മാററാറുണ്ട്. അതുപോലെ ഒരു വീഡിയോയാണ് ഇതും.
ജാഗ്വാറാണ് വീഡിയോയിൽ യുവതിക്കൊപ്പമുള്ളത്. യുവതി അതിനെ കുളിപ്പിക്കുന്നതാണ് വീഡിയോയിൽ കാണാൻ കഴിയുക. കാടുകളിലാണ് സാധാരണ ജാഗ്വാറുകളെ കാണാറുള്ളത്. പുള്ളിപ്പുലിയേക്കാൾ വലുതും കടുവയുടെ സ്വഭാവ സവിശേഷതകൾ സൂക്ഷിക്കുന്നതുമായ ഇവയെ കാണാനും വന്യമായൊരു ഭംഗി തന്നെയാണ്. ശക്തമായ പല്ലുകളുപയോഗിച്ച് ഇരയുടെ തലയോട്ടി പൊട്ടിച്ചാണ് ഇവ ഇരകളെ കീഴ്പ്പെടുത്തുന്നത് എന്നതും പ്രത്യേകതയാണ്. എന്നിരുന്നാലും ഇങ്ങനെയൊരു മൃഗത്തെയാണ് ഒരു പൂച്ചക്കുഞ്ഞിനെ കുളിപ്പിക്കുന്നത് പോലെ യുവതി കുളിപ്പിക്കുന്നത്.
Amazing Nature ആണ് വീഡിയോ എക്സിൽ (മുമ്പ് ട്വിറ്റർ) പങ്കുവച്ചിരിക്കുന്നത്. ആര് കണ്ടാലും അത്ഭുതപ്പെട്ടുപോകുന്നതാണ് ഈ വീഡിയോ എന്ന കാര്യത്തിൽ യാതൊരു സംശയവും ഇല്ല. ഒരു ബാത്ത് ടബ്ബിലാണ് ജാഗ്വാറുള്ളത്. യുവതിയുടെ കയ്യിൽ ഒരു പൈപ്പുണ്ട്. അതുപയോഗിച്ചാണ് യുവതി അതിനെ കുളിപ്പിക്കുന്നത്. ജാഗ്വാറാകട്ടെ ഒരു പൂച്ചക്കുഞ്ഞിനെ പോലെ അനുസരണയോടെ നിന്നുകൊടുക്കുന്നതും കാണാം.
വളരെ പെട്ടെന്നാണ് വീഡിയോ ആളുകളുടെ ശ്രദ്ധയാകർഷിച്ചത്. 9.4M വ്യൂസ് ഉണ്ട് വീഡിയോയ്ക്ക്. ഒരുപാട് പേർ വീഡിയോയ്ക്ക് കമന്റുകളുമായും എത്തി. ജാഗ്വാർ കാണാൻ നല്ല ഭംഗിയുണ്ട് എന്നും ക്യൂട്ടാണ് എന്നുമാണ് ഒരുപാട് പേർ കമന്റുകൾ നൽകിയിരിക്കുന്നത്. അതേസമയം തന്നെ എന്തൊക്കെ പറഞ്ഞാലും ഇതൊരു വന്യജീവിയാണ് സൂക്ഷിക്കണം എന്ന് ഓർമ്മപ്പെടുത്തിയവരും കുറവല്ല. മറ്റ് ചിലർ ജാഗ്വാറുകളുടെ അനേകം കൗതുകകരമായ വീഡിയോകൾ പങ്കുവച്ചു.
