ചാട്ടുളി പോലെ പായും, ശബ്ദമില്ല, മലിനീകരണമില്ല, ഒറ്റചാർജിൽ 7 മണിക്കൂർ റേഞ്ച്, ബരക്കുഡ വേറെ ലെവൽ
ശബ്ദം, വൈബ്രേഷൻ, മലിനീകരണം എന്നിവയില്ലാതെ ബോട്ടില്‍ 12 പേര്‍ക്ക് യാത്ര ചെയ്യാം
 )
Followകൊച്ചി: രാജ്യത്തെ ഏറ്റവും വേഗതയേറിയ സോളാർ ഇലക്‌ട്രിക് ബോട്ട് നീറ്റിലിറക്കി. ബരക്കുഡ ബോട്ട് കൊച്ചി കായലിലാണ് ഇറക്കിയത്.
കടലിൽ ചാട്ടുളി പോലെ പായുന്ന നീണ്ട മത്സ്യമാണ് ബരക്കുഡ. വേഗത മുൻ നിർത്തിയാണ് ബോട്ടിന് ഈ പേര് തന്നെ നൽകിയിരിക്കുന്നത്. മസഗോൺ ഡോക്ക് ഷിപ്പ് ബിൽഡേഴ്‌സ് ലിമിറ്റഡും കൊച്ചി ആസ്ഥാനമായി പ്രവർത്തിക്കുന്ന നവാൾട്ടും സംയുക്തമായി വികസിപ്പിച്ച ഈ അത്യാധുനിക ബോട്ട് പരിസ്ഥിതി സൗഹൃദ സമുദ്ര ഗതാഗതത്തിൽ രാജ്യത്തിന്റെ പുതിയ കുതിപ്പാണ്. ആലപ്പുഴയിൽ നവഗതിയുടെ പണവള്ളി യാർഡിലാണ് ബോട്ടിന്‍റെ നിർമ്മാണം പൂർത്തിയാക്കിയത്.
ഇന്ധനം ലാഭിക്കാം, മൈലേജ് കൂട്ടാം; പുതിയ ഫ്യുവൽ സേവ് ഫീച്ചറുമായി ഗൂഗിൾ മാപ്പ്, ഇന്ത്യയിലുമെത്തി
12 നോട്ടിക്കൽ മൈൽ ഉയർന്ന വേഗതയും ഒറ്റ ചാർജിൽ 7 മണിക്കൂർ റേഞ്ചും ബോട്ടിനുണ്ട്. ശബ്ദം, വൈബ്രേഷൻ, മലിനീകരണം എന്നിവയില്ലാതെ ബോട്ടില്‍ 12 പേര്‍ക്ക് യാത്ര ചെയ്യാം. നാല് മീറ്റർ വരെ ഉയരമുള്ള തിരമാലകളിലൂടെ സഞ്ചരിക്കാൻ പാകത്തില്‍ രൂപകൽപ്പന ചെയ്‌തിരിക്കുന്ന ബാരക്കുഡ വെല്ലുവിളി നിറഞ്ഞ സമുദ്രയാത്രയിലെ മികവുറ്റ താരമാകുമെന്നാണ് പ്രതീക്ഷ.
