വിസ്‍മയിപ്പിക്കാന്‍ 'റിംഗ്സ് ഓഫ് പവര്‍'; മലയാളം ട്രെയ്‍ലര്‍
240 രാജ്യങ്ങളില്‍ സെപ്റ്റംബര്‍ 1 ന് സ്ട്രീമിംഗ്
Followപുതിയ വെബ് സിരീസ് ദ് ലോര്‍ഡ് ഓഫ് ദ് റിംഗ്സ്: ദ് റിംഗ്സ് ഓഫ് പവറിന്‍റെ പുതിയ ട്രെയ്‍ലര്‍ പുറത്തെത്തി. രണ്ട് മിനിറ്റും 36 സെക്കൻഡും ദൈർഘ്യമുള്ള പുതിയ ട്രെയിലർ മിഡിൽ എർത്തിന്‍റെ രണ്ടാം യുഗത്തിലെ ഇതിഹാസ വ്യാപ്തി എടുത്തുകാണിക്കുന്നു. കൂടാതെ ടോൾകീന്റെ ഐതിഹാസികവും പ്രിയപ്പെട്ടതുമായ കഥാപാത്രങ്ങൾ വലിയ ദൂരങ്ങളിൽ നിന്ന് എത്തി എല്ലാ പ്രതിബന്ധങ്ങൾക്കെതിരെയും എങ്ങനെ ഒന്നിച്ചു ചേരുന്നു, മിഡിൽ എർത്തിലെ തിന്മകൾ വീണ്ടും ഉയിർത്തെഴുന്നേൽക്കുന്നതിനെ എങ്ങനെ പ്രതിരോധിക്കുന്നു എന്നും വെളിപ്പെടുത്തുന്നു. ലോര്‍ഡ് ഓഫ് ദ് റിംഗ്സ് ആരാധകര്‍ ദീർഘനാളായി കാത്തിരുന്ന പുതിയ സീരീസിന്‍റെ ഈ കാഴ്ചയിൽ, വരാനിരിക്കുന്ന തിന്മയുടെ നേരെ വ്യത്യസ്ത കഥാപാത്രങ്ങൾ ഏറ്റുമുട്ടുകയും തങ്ങളുടെ വിധി പരീക്ഷിക്കുകയും ചെയ്യുകയാണ്.
ട്രെയിലറിൽ പ്രധാന അഭിനേതാക്കളായ ഗലാഡ്രിയൽ (മോർഫിഡ് ക്ലാർക്ക്), എൽറോണ്ട് (റോബർട്ട് അരമയോ), ഹൈ കിംഗ് ഗിൽ-ഗാലാഡ് (ബെഞ്ചമിൻ വാക്കർ), സെലിബ്രിംബർ (ചാൾസ് എഡ്വേർഡ്സ്), ഹാർഫൂട്സ് എലനോർ “നൂറി’ ബ്രാൻഡിഫൂട്ട് (മാർകെല കെവിനിയാഘ്) ലാർജോ ബ്രാൻഡിഫൂട്ട് ( ഡാലിൻ സ്മിത്), സ്ട്രേഞ്ചർ (ഡാനിയൽ വെയ്മാൻ); ന്യൂമെനോറിയൻസ് ഇസിൽഡൂർ (മാക്സിം ബാൾഡ്രി), എറിയൻ (എമ ഹോർവാത്ത്), എലൻഡിൽ (ലോയ്ഡ് ഓവൻ), ഫാരസോൺ (ട്രിസ്റ്റൻ ഗ്രാവെല്ലെ), ക്വീൻ റീജന്റ് മിറിയൽ (സിന്തിയ അഡായി-റോബിൻസൺ); കുള്ളൻ രാജാവ് ഡൂറിൻ III (പീറ്റർ മുള്ളൻ), പ്രിൻസ് ഡ്യൂറിൻ IV (ഒവൈൻ ആർതർ), പ്രിൻസസ് ദിസ (സോഫിയ നോംവെറ്റ്); സൗത്ത്ലാൻഡേഴ്സ് ഹാൽബ്രാൻഡ് (ചാർലി വിക്കേഴ്സ്); ബ്രോൺവിൻ (നസാനിൻ ബോനിയാഡി); സിൽവൻ-എൽഫ് അരോണ്ടിർ (ഇസ്മായേൽ ക്രൂസ് കോർഡോവ) തുടങ്ങിയവരൊക്കെയുണ്ട്. മൾട്ടി-സീസൺ ഡ്രാമയുടെ ആദ്യ രണ്ട് എപ്പിസോഡുകൾ പ്രൈം വീഡിയോയിൽ ലോകമെമ്പാടുമുള്ള 240-ലധികം രാജ്യങ്ങളിലും പ്രദേശങ്ങളിലും സെപ്റ്റംബർ 1-2 (സമയ മേഖലയെ ആശ്രയിച്ച്) വെള്ളിയാഴ്ച ആരംഭിക്കും. പുതിയ എപ്പിസോഡുകൾ ആഴ്ചതോറും ലഭ്യമാണ്.
