ഐഫോണ്‍ 8 വിപണിയില്‍ കിതയ്ക്കുന്നു: സാംസങ്ങിന് നേട്ടം
 )
Followആപ്പിളിന്‍റെ ഏറ്റവും പുതിയ മോഡല്‍ ഐഫോണ്‍ 8 വിപണിയില്‍ കിതയ്ക്കുകയാണെന്ന് റിപ്പോര്‍ട്ട്‍. നവംബറില്‍ ഐഫോണ്‍ എക്സ് വിപണിയില്‍ എത്തിക്കാനാണ് ആപ്പിള്‍ ആലോചിക്കുന്നത് ഇതാണ് ഐഫോണ്‍8ന് തിരിച്ചടിയായത് എന്നാണ് വാര്‍ത്ത.
ഇതിനിടെ ഒരു അമേരിക്കന്‍ ടെക് മാഗസിന്‍ ഐഫോണ്‍ 8നേക്കാള്‍ മികച്ചത് പഴയ സാംസങ് ഫോണുകളെന്ന് വിലയിരുത്തുകയും ചെയ്തു. കഴിഞ്ഞ മാര്‍ച്ചില്‍ പുറത്തിറക്കിയ സാംസങ് ഗ്യാലക്സി എസ്8, ഗാലക്‌സി എസ്8പ്ലസ് എന്നീ സ്മാര്‍ട്ട്‌ഫോണുകളാണ് പട്ടികയില്‍ ആദ്യ രണ്ട് സ്ഥാനങ്ങള്‍ കരസ്ഥമാക്കിയിരിക്കുന്നത്.
സെപ്റ്റംബറില്‍ പുറത്തിറങ്ങിയ ഐഫോണ്‍ 8ഉം ഐഫോണ്‍ 8പ്ലസും നാലമതും അഞ്ചാമതും സ്ഥാനക്കാരാണ്. ഒന്നര വര്‍ഷം മുമ്പ് പുറത്തിറങ്ങിയ സാംസങിന്റെ ഗാലക്‌സി എസ് 7നാണ് മൂന്നാം സ്ഥാനം കൈയ്യടിക്കിയിരിക്കുന്നത്.
എന്നാല്‍ പത്താം വാര്‍ഷികത്തില്‍ ആപ്പിള്‍ വിപണിയില്‍ എത്തിക്കുന്ന ആപ്പിള്‍ ഐഫോണ്‍ എക്സ് നവംബര്‍ മൂന്ന് മുതല്‍ വിപണിയില്‍ എത്തും. ആപ്പിളിന്‍റെ ചരിത്രത്തിലെ ഏറ്റവും വിലയേറിയ സ്മാര്‍ട്ട്‌ഫോണായിരിക്കും ഐഫേണ്‍ എക്സ് എന്നാണ് റിപ്പോര്‍ട്ടുകള്‍.
