റൂബെല്ല വാക്സിനേഷന് ഹൈക്കോടതി വിലക്കിയെന്ന മട്ടില്‍ വ്യാജ പ്രചരണം
 )
Followകൊച്ചി: റൂബെല്ല വാക്സിനേഷന് ഹൈക്കോടതി വിലക്കിയെന്ന മട്ടില്‍ വ്യാജ പ്രചരണം. കോടതി വ്യാഴാഴ്ച പരിഗണിച്ച കേസില്‍ വിധിപോലും പുറത്തുവരുന്നതിനുമുമ്പ് വാക്സിന് വിരുദ്ധര്‍ പ്രചാരണം നടത്തിയത്.
സ്വന്തം മക്കള്‍ക്ക് വാക്സിനേഷന് എടുക്കാന്‍ താല്പര്യമില്ലെന്നും അതിനാല്‍ നിര്‍ബന്ധിയ്ക്കരുതെന്നും ആവശ്യപ്പെടുന്ന ഹര്‍ജിയാണ് കോടതിയില്‍ വന്നത്. ഈ വ്യക്തിയെ നിര്‍ബ്ബന്ധിയ്ക്കില്ലെന്നു ആരോഗ്യ വകുപ്പും വ്യക്തമാക്കി.
ഈ സാഹചര്യത്തില്‍ പരാതിക്കാരന്‍റെ കൂട്ടികള്‍ക്ക് ബലം പ്രയോഗിച്ച് വാക്സിനേഷന് കൊടുക്കരുതെന്ന് ജസ്റ്റിസ് കെ വിനോദ് ചന്ദ്രന്‍ ഉത്തരവിട്ടു. ഈ വിധിയെ ആണ് വാക്സിന് എടുക്കരുതെന്ന് ഹൈക്കോടതി വിധിച്ചു എന്ന രീതിയില്‍ ചിലര്‍ പ്രചാരണം നടത്തുന്നത്.
