ഞായറാഴ്ചകളിലെ സൗജന്യ കോള്‍ ബിഎസ്എന്‍എല്‍ നിര്‍ത്തുന്നു
 )
Followതിരുവനന്തപുരം: ഞായറാഴ്ചകളിലെ സൗജന്യ കോള്‍ സംവിധാനം ബി.എസ്.എന്‍.എല്‍ നിര്‍ത്തലാക്കുന്നു. ബി.എസ്.എന്‍.എല്‍ ലാന്‍ഡ് ഫോണുകളില്‍ നല്‍കിയിരുന്ന ഓഫര്‍ ഫെബ്രുവരി ഒന്ന് മുതല്‍ നിര്‍ത്തലാക്കും. ഫെബ്രുവരിയിലെ ആദ്യ ഞായറാഴ്ച മുതല്‍ സൗജന്യ സേവനം ലഭിക്കില്ല.
ലാന്‍ഡ് ഫോണുകളുടെ പ്രചാരം വര്‍ധിപ്പിക്കാന്‍ ലക്ഷ്യമിട്ട് രാജ്യവ്യാപകമായി നടപ്പിലാക്കിയ പദ്ധതിയാണ് നിര്‍ത്തലാക്കുന്നത്. നേരത്തെ രാത്രിയില്‍ നല്‍കിയിരുന്ന സൗജന്യ കോള്‍ സേവനത്തിന്റെ സമയപരിധി കുറച്ചിരുന്നു. ഞായറാഴ്ചയിലെ സൗജന്യ കോള്‍ സേവനം നിര്‍ത്തലാക്കിയാലും രാത്രിയിലെ സൗജന്യ കോള്‍ തുടരും.
രാത്രി 10.30 മുതല്‍ രാവിലെ ആറ് മണി വരെയാണ് സൗജന്യ കോള്‍. രാജ്യത്തെ ഏത് നെറ്റ്‌വര്‍ക്കിലേക്കും ഈ സമയം സൗജന്യമായി വിളിക്കാം.
