ഐ. ഫോൺ ഇമോജികളിലേക്ക്​ വീണ്ടും പുതിയ അതിഥികൾ എത്തുന്നു

ഐ. ഫോൺ ഇമോജികളുടെ കൂട്ടത്തിലേക്ക്​ വീണ്ടും പുതിയ അതിഥികൾ എത്തുന്നു. കഴിഞ്ഞ ജൂലൈയിൽ ഏതാനും ഇ​മോജികളുടെ കരട്​ പതിപ്പ്​ പുറത്തുവിട്ടിരുന്നു. ഇവക്ക്​ യുനീകോഡ്​ കൺസോർഷ്യത്തി​ന്‍റെ അംഗീകാരം ലഭിക്കുകയും യുനീകോഡ്​ 10​ന്‍റെ ഭാഗമാക്കുകയും ചെയ്​തിരുന്നു. ഇപ്പോൾ അമേരിക്കയിലെ കൂപ്പർടിനോ ആസ്​ഥാനമായുള്ള ടെക്​ കമ്പനിയാണ്​ ​ഐ ഫോണിനും ​ഐ പാഡിനുമായി പുതിയ ഇമോജികളുമായി എത്തിയത്​. ഇവ ​ഐ ഓപ്പറേറ്റിങ്​ സിസ്​റ്റം 11.1​ന്‍റെ ഭാഗമായി മാറും.

ഭക്ഷണം, മൃഗങ്ങൾ, ഭിന്നലിംഗക്കാർ തുടങ്ങിയവ പുതിയ ഇമോജികളിൽ ഇടംപിടിച്ചിട്ടുണ്ട്​. ഇതിന്​ പുറമെ ഈ വർഷം ആദ്യത്തിൽ കമ്പനി പ്രദർശിപ്പിച്ച 30ഓളം ഇമോജികളും ആപ്പിളി​ന്‍റെ ശേഖരത്തിൽ എത്തും.
തലമറച്ച സ്​ത്രീ, താടിവെച്ചയാൾ, മുലയൂട്ടുന്ന സ്​ത്രീ തുടങ്ങിയ ഇമോജികൾ നേരത്തെ ഉൾപ്പെടുത്താൻ തീരുമാനിച്ചത്​ ചർച്ചയായിരുന്നു. ആംഗ്യഭാഷയിൽ ​ഐ ലവ്​ യു എന്ന്​ പറയുന്നതും നേരത്തെ ഉൾപ്പെടുത്തിയിരുന്നു.

• Apple
• emoji
• iOS
• Apple reveals new emoji