ഇത് ഫഹദിന്‍റെ സീന്‍ അല്ലെ; ക്രിക്കറ്റ് താരം വെങ്കിടേഷ് അയ്യറിന്‍റെ കല്ല്യാണ സീന്‍ വൈറല്‍.!
ഞാന്‍ പ്രകാശന്‍ എന്ന സത്യന്‍ അന്തിക്കാട് ചിത്രത്തില്‍ ഫഹദ് ഫാസില്‍ അഭിനയിച്ച സീനിന് സമാനമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.
 )
Followകൊച്ചി: ഇന്ത്യൻ ക്രിക്കറ്റ് താരം വെങ്കിടേഷ് അയ്യർ അടുത്തിടെയാണ് വിവാഹിതനായത്. ശ്രുതി രംഗനാഥന്‍ ആണ് വധു. ഇരുവരുടെയും വിവാഹ ചിത്രങ്ങൾ സമൂഹ മാധ്യമങ്ങളില്‍ വൈറലായി മാറിയിരിക്കുകയാണ് ഇപ്പോൾ. അതില്‍ തന്നെ കല്ല്യാണത്തിന്‍റെ സദ്യയുടെ വീഡിയോയാണ് ഇപ്പോള്‍ വൈറലാകുകയാണ്.
ഞാന്‍ പ്രകാശന്‍ എന്ന സത്യന്‍ അന്തിക്കാട് ചിത്രത്തില്‍ ഫഹദ് ഫാസില്‍ അഭിനയിച്ച സീനിന് സമാനമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. സദ്യയ്ക്ക് ഫഹദിന്‍റെ ക്യാരക്ടറായ പ്രകാശന്‍ വാരിവലിച്ച് കഴിയുമ്പോള്‍ പെട്ടെന്ന് ക്യാമറ വരുമ്പോള്‍ സൗമ്യമായി കഴിക്കുന്ന ഈ രംഗം ഏറെ ട്രോളുകളിലും നിറയാറുണ്ട്. ഇതിന് സമാനമായ രംഗമാണ് ഇപ്പോള്‍ വൈറലാകുന്നത്.
കഴിഞ്ഞ ഞായറാഴ്ച രാവിലെ അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വെങ്കിടേഷ് അയ്യരുടെയും ശ്രുതി രംഗനാഥനിന്‍റെയും വിവാഹം. വിവാഹ ചിത്രങ്ങൾ ഏറ്റെടുത്ത ക്രിക്കറ്റ് ആരാധകർ ഇരുവർക്കും ആശംസകൾ അർപ്പിച്ചു. ഐപിഎല്ലില്‍ കൊല്‍ക്കത്ത നൈറ്റ് റൈഡേര്‍സ് താരമാണ് വെങ്കിടേഷ് അയ്യര്‍.
കഴിഞ്ഞ നവംബറിൽ ഇരുവരും തമ്മിലുള്ള വിവാഹം നിശ്ചയം നടന്നത്. വെങ്കിടേഷിന്‍റെ വധു ശ്രുതി എന്‍ഐഎഫ്ടിയില്‍ നിന്ന് ഫാഷന്‍ മാനേജ്‌മെന്റില്‍ മാസ്റ്റേഴ്‌സ് ചെയതിട്ടുണ്ട്. ബെംഗളുരുവിലെ ലൈഫ് സ്റ്റൈല്‍ ഇന്റര്‍ നാഷണല്‍ കമ്പനിയില്‍ മെര്‍ക്കന്‍ഡൈസ് പ്ലാനറായി ജോലി ചെയ്യുകയാണ് ശ്രുതി.
'കൽക്കി 2898 എഡി' വരുന്നത് ബ്രഹ്മാണ്ഡ സംഭവം: വന്‍ അപ്ഡേറ്റ് പ്രഖ്യാപിച്ചു
യൂട്യൂബ് വ്‌ളോഗര്‍മാരെ.. ശ്രദ്ധിച്ചില്ലെങ്കിൽ യൂട്യൂബ് പിണങ്ങും; പണി കിട്ടുന്നത് ഇങ്ങനെ
