'അന്ധകാരവും തിന്മയും തുടച്ചുനീക്കട്ടെ'; നെഞ്ചത്ത് ബാൻഡ് എയിഡുമായി അമൃത സുരേഷ്, ചോദ്യങ്ങൾ
മകൾ അവന്തിക പങ്കുവച്ച വീഡിയോയുമായി ബന്ധപ്പെട്ട് വലിയ തോതിൽ സൈബർ അറ്റാക്കുകളും വിമർശനങ്ങളും അമൃതയ്ക്ക് നേരിടേണ്ടി വന്നു.
Followപരസ്പരം വേർപിരിഞ്ഞ് കാലങ്ങൾ ഏറെയായിട്ടും നടൻ ബാലയും അമൃത സുരേഷും തമ്മിലുള്ള തർക്കം വലിയ വിവാദമായി കൊണ്ടിരിക്കുകയാണ്. ഇവരുടെ മകൾ അവന്തിക പങ്കുവച്ച വീഡിയോയുമായി ബന്ധപ്പെട്ട് വലിയ തോതിൽ സൈബർ അറ്റാക്കുകളും വിമർശനങ്ങളും അമൃതയ്ക്ക് നേരിടേണ്ടി വന്നു. ഇതിന് പിന്നാലെ അമൃത ആശുപത്രിയിൽ ആണെന്ന് ഫോട്ടോ പങ്കിട്ട് സഹോദരി അഭിരാമി പോസ്റ്റ് ഷെയറും ചെയ്തിരുന്നു.
ഇപ്പോഴിതാ ആരോഗ്യം വീണ്ടെടുത്ത് വീട്ടിൽ തിരിച്ചെത്തിയിരിക്കുകയാണ് അമൃത. നെഞ്ചത്ത് ബാൻഡ് എയിഡുമായുള്ള അമൃതയുടെ ഫോട്ടോ സോഷ്യൽ മീഡിയയിൽ വൈറൽ ആകുകയും ചെയ്തിരുന്നു. ഈ അവസരത്തില്‍ പുതിയ വീഡിയോ പങ്കുവച്ചിരിക്കുകയാണ് ഗായിക.
നവരാത്രി ആശംസകൾ അറിയിച്ചു കൊണ്ടാണ് അമൃത സുരേഷ് രംഗത്ത് എത്തിയത്. ഒപ്പം ഒരു കീർത്തനം ആലപിക്കുന്ന വീഡിയോയും ഉണ്ട്. പിന്നാലെ അമൃതയ്ക്ക് എന്തു പറ്റിയെന്ന് ചോദിച്ചും എത്രയും വേഗം സുഖം പ്രാപിക്കട്ടെ എന്ന് ആശംസിച്ചും നിരവധി പേരാണ് രംഗത്ത് എത്തുന്നത്.
"ഈ നവരാത്രിയിൽ ദേവി അവളുടെ അനുഗ്രഹങ്ങൾ എല്ലായിടവും ചൊരിയട്ടെ. എല്ലാ അന്ധകാരവും തിന്മയും തുടച്ചുനീക്കട്ടെ. നിങ്ങളുടെ പ്രാർത്ഥനകൾക്ക് ഞാൻ അങ്ങേയറ്റം നന്ദിയുള്ളവരായിരിക്കും. എൻ്റെ ആരോഗ്യം പ്രശ്നം മൂലം ശബ്ദം കുറച്ച് ദുർബലമാണ്. എങ്കിലും ഞാൻ പതുക്കെ സുഖം പ്രാപിക്കുകയാണ്. നിങ്ങളുടെ സ്നേഹവും പിന്തുണയും കൊണ്ട് ഞാൻ കൂടുതൽ ശക്തി കണ്ടെത്തുകയാണ്. നിങ്ങൾക്കെല്ലാവർക്കും എൻ്റെ ഹൃദയത്തിൽ നിന്നും മനോഹരവും സമാധാനപൂർണവുമായ നവരാത്രി ദിനം ആശംസിക്കുന്നു", എന്നാണ് അമൃത വീഡിയോയ്ക്ക് ഒപ്പം കുറിച്ചത്.
വിവാദങ്ങൾക്കിടെ രണ്ട് ദിവസം മുൻപ് ആയിരുന്നു അമൃത സുരേഷിനെ ആശുപത്രിയിൽ പ്രവേശിപ്പിച്ച കാര്യം സഹോദരി അഭിരാമി സോഷ്യൽ മീഡിയയിലൂടെ അറിയിച്ചത്. കാർഡിയാക് ഐസിയു ഭാഗത്തേക്ക് അമൃതയെ കൊണ്ടുപോകുന്ന ഫോട്ടോ പങ്കുവച്ച്, 'മതിയായി, എന്റെ ചേച്ചിയെ ഉപദ്രവിക്കുന്നത് ഒന്ന് അവസാനിപ്പിക്കൂ. ഞാന്‍ നിങ്ങളെ എല്ലാവരെയും വെറുക്കുകയാണ്, ഞാന്‍ നിങ്ങളെ വെറുക്കുന്നു. അവളെ ജീവിക്കാന്‍ അനുവദിക്കൂ. നിങ്ങള്‍ക്കിപ്പോൾ സന്തോഷമായില്ലേ' എന്നാണ് അഭിരാമി കുറിച്ചത്. പിന്നാലെ പോസ്റ്റ് പിൻവലിക്കുകയും ചെയ്തിരുന്നു.
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..
