'ഒരു മാനേജര്‍ക്ക് ഇത്രയും ശമ്പളമോ?' :ആരാണ് ഷാരൂഖിന് 'പൂജ ദദ്‌ലാനി', അവരുടെ ശമ്പളം കേട്ട് ഞെട്ടി ബോളിവുഡ്
ഷാരൂഖ് ഖാന്‍റെ എല്ലാ പൊതുപരിപാടികളിലും ഒപ്പമുള്ള മാനേജര്‍ പൂജ ദദ്‌ലാനിയെക്കുറിച്ചുള്ള വിവരങ്ങള്‍ പുറത്ത്
 )
Followമുംബൈ: 2012 മുതൽ ബോളിവുഡ് സൂപ്പർസ്റ്റാർ ഷാരൂഖ് ഖാന്‍റെ എല്ലാ പൊതുപരിപാടികളിലും ഒപ്പം നടക്കുന്ന യുവതിയെ കാണാം. ഷാരൂഖിന്‍റെ മാനേജര്‍ പൂജ ദദ്‌ലാനിയാണ് ഈ വ്യക്തി. ഇന്ത്യയിലെ ഏറ്റവും സമ്പന്നനായ താരത്തിന്‍റെ എല്ലാ കാര്യങ്ങളും സിനിമ മുതല്‍ ബിസിനസ്സ് കാര്യങ്ങള്‍ വരെ കൈകാര്യം ചെയ്യുന്നത് പൂജയാണ്. എന്നാല്‍ ഷാരൂഖാന്‍റെ നിര്‍മ്മാണ കമ്പനി റെഡ് ചില്ലീസ് എന്‍റര്‍ടെയ്മെന്‍റ് പൂജയുടെ കീഴില്‍ അല്ല.
ഷാരൂഖിന്‍റെ വിദേശ യാത്രകളിലും സിനിമ ഷൂട്ടിംഗ് സെറ്റുകളിലും പൂജ നിറ സാന്നിധ്യമാണ്. ഖാന്‍ കുടുംബത്തിന്‍റെ ആഘോഷ പരിപാടികളിലും പൂജയെ കാണാം. 2021 ല്‍ ഷാരൂഖ് ഖാന്‍ കുടുംബം നേരിട്ട വലിയ പ്രതിസന്ധിയായിരുന്നു ആര്യന് ഖാന്‍ പെട്ട മയക്കുമരുന്ന് കേസ്. അന്ന് ഖാന്‍ കുടുംബത്തിന്‍റെ പ്രതിനിധിയായി എല്ലാ കാര്യങ്ങളും നോക്കി നടത്തിയത് പൂജയായിരുന്നു.
പൊലീസ് കസ്റ്റഡിയില്‍ ആര്യനെ സന്ദര്‍ശിക്കുക മാത്രമല്ല. ആര്യനെ കോടതിയില്‍ ഹാജറാക്കിയപ്പോഴും പൂജയുണ്ടായിരുന്നു. പിന്നീട് ബോംബെ ഹൈക്കോടതിയില്‍ നിന്നും ആര്യന് ജാമ്യം ലഭിച്ച കാര്യം ആദ്യം അറിയിച്ചതും പൂജയായിരുന്നു. ഈ കേസോടെ പൂജ മാധ്യമങ്ങള്‍ക്ക് കൂടുതല്‍ അടുത്തു. ഒപ്പം ഖാന്‍ ഫാമിലിയില്‍ ഒരു കുടുംബ അംഗത്തെപ്പോലെയും ആയെന്നാണ് ബോളിവുഡിലെ സംസാരം.
നിരവധി ബോളിവുഡ് മാധ്യമങ്ങൾ റിപ്പോർട്ട് ചെയ്യുന്നത് പ്രകാരം പൂജ ദദ്‌ലാനിയുടെ ഷാരൂഖന്‍റെ മാനേജര്‍ എന്ന നിലയിലെ വാര്‍ഷിക ശമ്പളം 7-9 കോടി രൂപ വരും. കൂടാതെ 2021 ലെ ഒരു റിപ്പോർട്ട് അവളുടെ ആസ്തി 45 മുതൽ 50 കോടി രൂപ വരെയാണെന്ന് കണക്കാക്കുന്നത്. പുതിയ മൂല്യം കണക്കിലെടുത്താല്‍ ഇത് വര്‍ദ്ധിച്ചിരിക്കാം.
മാത്രമല്ല പൂജയ്ക്ക് സ്വന്തമായി ആഡംബര വാഹനങ്ങളുണ്ട്. അടുത്തിടെ ബാന്ദ്രയിലെ മനോഹരമായ ഒരു വീട്ടിലേക്ക് താമസം മാറിയിരുന്നു. ഈ വീടിന്‍റെ ഇന്‍റീരിയര്‍ ഡിസൈന്‍ ചെയ്തത് ഷാരൂഖ് ഖാന്‍റെ ഭാര്യയായ പ്രശസ്ത ഡിസൈനർ ഗൗരി ഖാനായിരുന്നു.
ലിസ്റ്റ ജൂവൽസിന്‍റെ ഡയറക്ടർ ഹിതേഷ് ഗുർനാനിയെയാണ് പൂജ വിവാഹം കഴിച്ചത്. ദമ്പതികൾക്ക് റെയ്‌ന ദദ്‌ലാനി എന്നൊരു മകളുണ്ട്. പൂജ നടി ദിയാ മിർസയുടെ രണ്ടാമത്തെ ഭർത്താവായ വൈഭവ് രേഖിയുടെ ബന്ധുവാണ്. ഇന്ത്യയില്‍ തന്നെ ഏറ്റവും കൂടുതല്‍ ശമ്പളം വാങ്ങുന്ന സെലബ്രെറ്റി മാനേജറാണ് പൂജ എന്നാണ് അടുത്തിടെ സിക്യുവിന്‍റെ ഒരു റിപ്പോര്‍ട്ടില്‍ പറയുന്നത്.
59ാം ജന്മദിനത്തിൽ ഷാരൂഖ് ഖാൻ മുറിച്ച കേക്കിന്റെ പ്രത്യേകത എന്താണ്?
ഷാരൂഖിനെ കാണാന്‍ സ്വന്തം കടയടച്ച് ജാർഖണ്ഡിൽ നിന്ന് എത്തി, 95 ദിവസം കാത്തിരുന്ന ആരാധകന് സംഭവിച്ചത് !
