'പ്രഭാസ് വെറും ജോക്കറായി' കൽക്കി 2898 എഡി കണ്ട നടന്‍ അർഷാദ് വാർസിയുടെ പ്രതികരണം, പിന്നാലെ സൈബര്‍ ആക്രമണം!
കൽക്കി 2898 എഡി എന്ന ചിത്രം ഇഷ്ടപ്പെട്ടില്ലെന്ന് ബോളിവുഡ് നടൻ അർഷാദ് വാർസി. പ്രഭാസിന്റെ കഥാപാത്രത്തെ അദ്ദേഹം രൂക്ഷമായി വിമർശിച്ചു. അർഷാദിന്റെ പ്രതികരണം പ്രഭാസ് ആരാധകരെ ചൊടിപ്പിച്ചു.
 )
Followമുംബൈ: കൽക്കി 2898 എഡി എന്ന ചിത്രം സമീപകാല ഇന്ത്യന്‍ സിനിമയിലെ വലിയ വിജയങ്ങളില്‍ ഒന്നായിരുന്നു. വന്‍ താര നിരയുമായി എത്തിയ ചിത്രം ആഗോളതലത്തില്‍ 1200 കോടിയോളം കളക്ഷന്‍ നേടിയ. നാഗ് അശ്വിൻ സംവിധാനം ചെയ്ത ചിത്രം നിരവധി കളക്ഷന്‍ റെക്കോർഡുകൾ തകർക്കുകയും മികച്ച അഭിപ്രായവും നേടി. എന്നിരുന്നാലും, വിജയിച്ചിട്ടും, ഹിന്ദു ഇതിഹാസമായ മഹാഭാരതത്തിൽ നിന്ന് പ്രചോദനം ഉൾക്കൊണ്ട് പ്രഭാസ് അഭിനയിച്ച ഡിസ്റ്റോപ്പിയൻ സയൻസ് ഫിക്ഷൻ ഇഷ്ടപ്പെട്ടില്ലെന്നാണ് ബോളിവുഡ് നടന്‍ അർഷാദ് വാർസി പറയുന്നത്. അടുത്തിടെ ഒരു അഭിമുഖത്തില്‍ കൽക്കി 2898 എഡി കണ്ടതിന് ശേഷം താൻ എത്രമാത്രം നിരാശനായി എന്ന് അർഷാദ് വാർസി വെളിപ്പെടുത്തി.
"അൺഫിൽട്ടേർഡ്" എന്ന ഷോയിൽ സമീഷ് ഭാട്ടിയയുമായി സംസാരിക്കുകയായിരുന്നു അർഷാദ്, "ഞാൻ കൽക്കി കണ്ടു, അത് ഇഷ്ടപ്പെട്ടില്ല. അത് എന്നെ വേദനിപ്പിക്കുന്നു. അമിത് ജി അവിശ്വസനീയമായിരുന്നു. എനിക്ക് ആ മനുഷ്യനെ മനസ്സിലാക്കാൻ കഴിയുന്നില്ല. അദ്ദേഹത്തിനുള്ള കഴിവിന്‍റെ ഒരു ചെറിയ ഭാഗം കിട്ടിയാല്‍ നമ്മുടെ ജീവിതം തന്നെ മാറും. അദ്ദേഹം ഒരു ഇതിഹാസമാണ്” എന്നാല്‍ പ്രഭാസിൻ്റെ ഭൈരവ എന്ന ചിത്രത്തിലെ കഥാപാത്രത്തെ രൂക്ഷമായി വിമർശിക്കുകയാണ് അർഷാദ് വാർസി ചെയ്തത്.
“പ്രഭാസിന്റെ കാര്യത്തില്‍ എനിക്ക് ശരിക്കും സങ്കടമുണ്ട്, എന്തിനായിരുന്നു അയാള്‍ ഇങ്ങനെ. അദ്ദേഹം ജോക്കറിനെപ്പോലെ ഉണ്ടായിരുന്നു. എനിക്ക് ഒരു മാഡ് മാക്സ് കാണണം. എനിക്ക് മെൽ ഗിബ്‌സണെ അവിടെ കാണണം.നിങ്ങൾ എന്താണ് ഉണ്ടാക്കിയത്? എന്തിനാണ് അവർ ഇത്തരം കാര്യങ്ങൾ ചെയ്യുന്നത്? എനിക്ക് ഒരിക്കലും മനസ്സിലാകുന്നില്ല ” അര്‍ഷാദ് പറഞ്ഞു.
എഡി 2898 കൽക്കിയോട് അർഷാദിൻ്റെ ആത്മാർത്ഥമായ പ്രതികരണം തീർച്ചയായും ചില കോളിളക്കങ്ങൾ സൃഷ്ടിച്ചു. ചിത്രം സാങ്കേതികമായി വന്‍ അഭിപ്രായം നേടിയിട്ടും അര്‍ഷാദിന്‍റെ പ്രതികരണം പ്രഭാസ് ആരാധകരെ ചൊടിപ്പിച്ചിരിക്കുകയാണ്. തെലുങ്ക് സോഷ്യല്‍ മീഡിയയില്‍ അടക്കം വന്‍ ആക്രമണമാണ് അര്‍ഷാദ് നേരിടുന്നത്.
Prabhas Fans on Arshad Warsi's Official Instagram Profile calling out slurs and abuses
byu/LongAccomplished1868 inBollyBlindsNGossip
അദ്ദേഹത്തിന്‍റെ ഇന്‍സ്റ്റഗ്രാം പേജിലെ ഒരോ പോസ്റ്റിന് അടിയിലും വലിയ തോതിലുള്ള സൈബര്‍ ആക്രമണമാണ് നടക്കുന്നത്. ഇതിന്‍റെ സ്ക്രീന്‍ഷോട്ടും മറ്റും പ്രചരിക്കുന്നുണ്ട്.
നായകനായി ജോമോൻ ജ്യോതിർ 'റഫ് ആൻഡ് ടഫ് ഭീകരൻ' ടൈറ്റിൽ പോസ്റ്റർ പുറത്ത്
കാണ്ഡഹാർ വിമാനം റാഞ്ചലിന്‍റെ കഥയുമായി 'ഐസി 814:ദ കാണ്ഡഹാർ ഹൈജാക്ക്'
