എന്റെ ജീവിതത്തിലെ സ്‌നേഹം, ശ്രീനി കാരണം ഞങ്ങളുടെ ബന്ധം ശക്തമാകുന്നു; പേളി മാണി
ബിഗ് ബോസിലൂടെ പ്രണയിച്ച് വിവാഹിതരായവരാണ് പേളിയും ശ്രീനിഷും.
Followബിഗ് ബോസ് മലയാളം ഷോയിലൂടെ പ്രണയിച്ച് വിവാഹിതരായവരാണ് പേളിയും ശ്രീനിഷും. ഇരുവരും ഇപ്പോള്‍ അഭിനയത്തില്‍ നിന്നൊക്കെ മാറി കുടുംബജീവിതം ആസ്വദിക്കുകയാണ്. ഇപ്പോഴിതാ താനും ഭര്‍ത്താവും മക്കളും അടങ്ങിയ കുടുംബത്തിനോടൊപ്പമുള്ള പുതിയ ജീവിതത്തെ കുറിച്ച് സംസാരിക്കുകയാണ് പേളി. ഇന്‍സ്റ്റഗ്രാമിലൂടെ പങ്കുവെച്ച കുറിപ്പിലൂടെയാണ് മക്കളെയും കൊണ്ട് ഫ്ലാറ്റിലേക്ക് താമസം മാറിയതിനെപ്പറ്റിയും ജീവിതത്തിലെ വലിയൊരു അപ്‌ഡേറ്റിനെ കുറിച്ചും പേളി പറഞ്ഞത്.
ഇളയമകള്‍ നിറ്റാരയെ എടുത്തോണ്ടിരിക്കുന്ന ശ്രീനിഷിന്റെ ഫോട്ടോയായിരുന്നു പേളി പങ്കുവെച്ചത്. 'ഡാഡിയുടെ മൂക്കാണ് ഏറ്റവും സുഖമുള്ള തലയിണ' എന്നാണ് ചിത്രത്തിനുള്ള ക്യാപ്ഷനായി നടി പറയുന്നത്. മാത്രമല്ല ഒരു അപ്‌ഡേഷന്‍ കൂടിയുണ്ടെന്നും സൂചിപ്പിക്കുന്നു. "ലൈഫ് അപ്ഡേറ്റ്: ഏകദേശം 6 മാസം മുന്‍പാണ് ഞാന്‍ എന്റെ മാതാപിതാക്കളുടെ കൂടെ താമസിക്കാനായി പോവുന്നത്. ഞങ്ങളുടെ പഴയ ഫ്ലാറ്റിലേക്ക് സാവധാനം മാറാനുള്ള സമയവും ഊര്‍ജവും എനിക്ക് ലഭിച്ചു. 3 വയസ്സുള്ള ഒരു കുഞ്ഞിനെയും 4 മാസം പ്രായമുള്ള ഒരു കുഞ്ഞിനെയും കൊണ്ട് തിരികെ പോകാനുള്ള ചിന്ത രസകരമായിരിക്കാം.
പക്ഷേ ഞങ്ങളുടെ കുടുംബത്തിന്റെ പുതിയ ചലനാത്മകത എങ്ങനെയായിരിക്കുമെന്ന് ഞാന്‍ ഇതുവരെ അന്വേഷിച്ചിട്ടില്ല. എനിക്കും ശ്രീനിക്കും ഇത് മനസ്സിലാക്കാന്‍ നല്ല സമയം ലഭിക്കുമെന്ന് ഉറപ്പുണ്ട്. മിക്ക കുടുംബങ്ങളിലും ഇത് വളരെ സാധാരണമായ കാര്യമാണെന്ന് ഞാന്‍ കരുതുന്നു, അതിനാല്‍ ഫ്ലാറ്റിലേക്ക് മടങ്ങിയതിന് ശേഷമുള്ള എന്റെ അനുഭവത്തെക്കുറിച്ച് വ്‌ലോഗ് ചെയ്യാന്‍ ഞാന്‍ പദ്ധതിയിടുന്നുണ്ട്. കുഞ്ഞുങ്ങള്‍, ജോലി, വ്യക്തിഗത ജീവിതം, ഏറ്റവും പ്രധാനമായി എന്റേതായ സമയങ്ങള്‍ എന്നിവ എങ്ങനെ കൈകാര്യം ചെയ്യുന്നു.
എന്റെ ജീവിതത്തിലെ സ്‌നേഹം ശ്രീനിഷ് കാരണം ഞങ്ങളുടെ ബന്ധം ശക്തമാകുമ്പോള്‍ ബാക്കി എല്ലാം ഉറപ്പാണ്. അതിനാല്‍ എന്റെ വരാനിരിക്കുന്ന വ്‌ലോഗുകളില്‍ ഞാന്‍ എന്താണ് സംസാരിക്കാന്‍ ആഗ്രഹിക്കുന്നതെന്ന് എന്നെ അറിയിക്കൂ… ഞാന്‍ തീര്‍ച്ചയായും അവ പരിഗണിക്കും." എന്നുമാണ് പേളി പറയുന്നത്.
വ്യത്യസ്ത റാങ്കിലുള്ള പൊലീസുകാർ, അവർ പോരടിച്ചാൽ എന്താകും? ഉത്തരം 'തലവന്‍' പറയും, തീം സോംഗ് എത്തി
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..
