'ബ്രേക്ക് അപ് തന്നെ': മലൈകയും സിഗ്നല്‍ തന്നു, വൈറലായ ചിത്രങ്ങള്‍ എല്ലാം അപ്രത്യക്ഷം !
അർജുൻ കപൂറുമായുള്ള ബന്ധം അവസാനിച്ചതായി സ്ഥിരീകരിച്ചതിന് പിന്നാലെ, മലൈക അറോറ ഇൻസ്റ്റാഗ്രാമിൽ ഒരു നിഗൂഢമായ കുറിപ്പ് പങ്കുവച്ചു.
 )
Followമുംബൈ: മലൈക അറോറയുമായുള്ള ബന്ധത്തെക്കുറിച്ചുള്ള മാസങ്ങൾ നീണ്ട ഊഹാപോഹങ്ങൾക്ക് വിരാമമിട്ട് താൻ "സിംഗിളാണ്" എന്ന് അർജുൻ കപൂർ പ്രഖ്യാപിച്ചതിന് തൊട്ടുപിന്നാലെ, മലൈക അറോറ ഇൻസ്റ്റാഗ്രാമിൽ ഒരു നിഗൂഢ പോസ്റ്റ് പങ്കിട്ടു. മലൈക്കയുടെ സ്റ്റോറിയില്‍ "ഒരു നിമിഷം ഹൃദയത്തിൽ സ്പർശിച്ചാൽ ജീവിതകാലം മുഴുവൻ ഒരു ആത്മാവിനെ സ്പർശിക്കാം" എന്ന വരികളാണ് കുറിച്ചിരിക്കുന്നത്.
അർജുനും മലൈകയും ഒരുമിച്ച് ആറ് വർഷം നീണ്ട ഡേറ്റിംഗിന് ശേഷമാണ് വേർപിരിഞ്ഞത്. ഈ സമയത്ത് അവർ പലപ്പോഴും വിവാഹത്തെക്കുറിച്ചുള്ള ചോദ്യങ്ങൾ ഉയര്‍ന്നിരുന്നു. തന്‍റെ പുതിയ ചിത്രമായ സിങ്കം എഗെയ്‌നിന്‍റെ ഒരു പ്രൊമോഷൻ പരിപാടിക്കിടെ താൻ ഇപ്പോൾ അവിവാഹിതനാണെന്ന് അർജുൻ വെളിപ്പെടുത്തിയതാണ് ഇരുവരുടെയും വേര്‍പിരിയലിന് സ്ഥിരീകരണം നല്‍കിയത്.
അതേ സമയം തന്‍റെ സോഷ്യല്‍ മീഡിയ പ്ലാറ്റ്ഫോമുകളില്‍ അർജുൻ കപൂറുമായി ഒന്നിച്ചുള്ള ചിത്രങ്ങള്‍ എല്ലാം മലൈക്ക നീക്കം ചെയ്തിട്ടുണ്ട്.
അർജുൻ കപൂറും മലൈക അറോറയും 2018 മുതല്‍ ഡേറ്റിംഗിലായിരുന്നു. 2017-ൽ അർബാസ് ഖാനെ വിവാഹമോചനം ചെയ്തതിന് ശേഷമാണ് മലൈക അര്‍ജുന്‍ ബന്ധം ബോളിവുഡ് അറിഞ്ഞത്. തുടര്‍ന്ന് ബോളിവുഡിലെ പല പാര്‍ട്ടികളിലും ഔദ്യോഗിക പരിപാടികളിലും ഇരുവരും ഒന്നിച്ച് എത്താറുണ്ടായിരുന്നു. ഇരുവരുടെയും അവധിക്കാല ചിത്രങ്ങള്‍ വൈറലാകാറുണ്ടായിരുന്നു.
അർജുൻ കപൂറും മലൈക അറോറയും തമ്മിലുള്ള വയസ് വ്യത്യാസം പലപ്പോഴും വലിയ ചര്‍ച്ചകള്‍ക്ക് വഴിവച്ചിരുന്നു. എന്നാല്‍ പലപ്പോഴും ഇത്തരം ഗോസിപ്പുകളെ ബോളിവുഡ് പ്രണയ ജോഡി തള്ളിക്കളഞ്ഞു. പലപ്പോഴും അര്‍ജുന്‍ മലൈക്ക എന്നിവര്‍ വേര്‍പിരിഞ്ഞു എന്ന വാര്‍ത്ത വന്നിരുന്നെങ്കിലും അപ്പോഴെല്ലാം അത് നിഷേധിച്ച് ഇരുവരും രംഗത്ത് എത്തിയിരുന്നു.
എന്നാല്‍ ഇത്തവണ സ്ഥിതി മാറി. അടുത്തിടെ മലൈകയുടെ ജന്മദിനത്തിൽ അർജുൻ അവര്‍ക്ക് ആശംസ പങ്കിടാതെ മറ്റൊരു പോസ്റ്റിട്ടതോടെ ഇരുവരും വേര്‍പിരിഞ്ഞുവെന്ന കിംവദന്തികൾ ശക്തമായി, "നിങ്ങൾ ആരാണെന്ന് ഒരിക്കലും മറക്കരുത് - ദി ലയൺ കിംഗ്" ദി ലയൺ കിംഗിലെ മുഫാസയുടെ ഡയലോഗാണ് അര്‍ജുന്‍ അന്ന് പങ്കുവച്ചത്.
'സല്‍മാന്‍ ലോറന്‍സ് ബിഷ്ണോയിയെക്കാള്‍ ക്രൂരന്‍, ഐശ്വര്യയെ ദ്രോഹിച്ചു': വെളിപ്പെടുത്തലുമായി നടി
