'പോസ്റ്റ്പാര്‍ട്ടം പ്രശ്‌നങ്ങളുണ്ടായിരുന്നു': ചോദ്യങ്ങൾക്ക് ഉത്തരം നൽകി അനുരാധ
സോഷ്യൽ മീഡിയ താരം അനുരാധ തന്റെ ഗർഭകാലത്തെക്കുറിച്ചും പ്രസവാനുഭവത്തെക്കുറിച്ചും തുറന്ന് സംസാരിക്കുന്നു.
 )
Followതിരുവനന്തപുരം: ലക്ഷ്മി നായരും മരുമകള്‍ അനുരാധയും സോഷ്യല്‍മീഡിയയില്‍ സജീവമാണ്. മരുമകളല്ല അനു എന്റെ മകള്‍ തന്നെയാണെന്നാണ് ലക്ഷ്മി നായര്‍ പറയാറുള്ളത്. വ്‌ളോഗും ബിസിനസുമൊക്കെയായി സജീവമാണ് അനു. ക്യുആന്‍ഡ് എയിലൂടെയായി തനിക്ക് വന്ന ചോദ്യങ്ങള്‍ക്ക് മറുപടിയുമായെത്തിയിരിക്കുകയാണ് അനു. പ്രഗ്നന്‍സി കാലഘട്ടത്തെക്കുറിച്ചായിരുന്നു ചിലര്‍ ചോദിച്ചത്.
വളരെ സ്മൂത്തായിരുന്നു എന്റെ പ്രഗ്നന്‍സി കാലഘട്ടം. എനിക്കങ്ങനെ ക്രേവിംഗ്‌സൊന്നും ഉണ്ടായിരുന്നില്ല. ആദ്യത്തേത് ആയിരുന്നതിനാല്‍ കുറച്ച് കെയര്‍ഫുളായിരുന്നു. അതുപോലെ തന്നെ എല്ലാത്തിനും സംശയങ്ങളായിരുന്നു. ആദ്യത്തെ മൂന്ന് മാസം വളരെയധികം സ്മൂത്തായിരുന്നു. ഛര്‍ദ്ദി പോലെയുള്ള പ്രശ്‌നങ്ങളൊന്നും ഇല്ലായിരുന്നു. മൂന്ന് മാസം കഴിഞ്ഞപ്പോഴാണ് മണമൊക്കെ പ്രശ്‌നമായി വന്നത്. പറ്റാത്ത മണമൊക്കെ വരികയാണെങ്കില്‍ ഞാന്‍ മാറി നില്‍ക്കുമായിരുന്നു. ഫ്രൂട്ട്‌സൊക്കെ നന്നായി കഴിച്ചിരുന്നു.
ഒരു കുഞ്ഞിനെ കിട്ടുക എന്ന് പറഞ്ഞാല്‍ നമ്മള്‍ ദൈവത്തിനോട് ഗ്രേറ്റ്ഫുളാവണം. അതിന്റെ ഭാഗമായി കുറച്ച് വിഷമതകളും വേദനകളുമൊക്കെയുണ്ടാവും. ഒരുപാട് ബുദ്ധിമുട്ടുകളുണ്ടായിരുന്നു. പോസ്റ്റ്പാര്‍ട്ടം പ്രശ്‌നങ്ങളൊക്കെയുണ്ടായിരുന്നു. അതൊക്കെ ഞാന്‍ ഓവര്‍കം ചെയ്തു എന്നോര്‍ക്കുമ്പോള്‍ എനിക്ക് അഭിമാനമാണ് തോന്നുന്നത്. സപ്പോര്‍ട്ടീവായൊരു ഫാമിലിയുണ്ടെങ്കില്‍ നമുക്ക് പെട്ടെന്ന് കയറിവരാന്‍ പറ്റും. എനിക്ക് അതുള്ളതാണ് വലിയൊരു അനുഗ്രഹം. എന്റെ ബാക്ക് ബോണ്‍ എന്ന് പറയുന്നത് എന്റെ ഫാമിലിയാണ്. ഫാമിലിയും ഫ്രണ്ട്‌സമില്ലാതെ ഇങ്ങനെ സിറ്റിവേഷനില്‍ നിന്നും കയറിവരുന്നത് ബുദ്ധിമുട്ടുള്ള കാര്യമാണെന്നുമായിരുന്നു അനുരാധ പറഞ്ഞത്.
ഡെലിവറി അടുത്ത് വരുമ്പോള്‍ മൂവ്‌മെന്‍സ് കുറയുന്ന പോലെ തോന്നിയിരുന്നു. അപ്പോഴാണ് നേരത്തെ ഡെലിവറി വേണ്ടിവരുമെന്ന് പറഞ്ഞത്. മോള്‍ പ്രീ ടേം ബേബിയാണ്. പ്രഗ്നന്‍സിയുമായി ബന്ധപ്പെട്ട റീല്‍സും ആര്‍ട്ടിക്കിള്‍സുമൊക്കെ നോക്കാറുണ്ടായിരുന്നു. ബേബി റിലേറ്റഡ് റീല്‍സൊക്കെ കാണുമായിരുന്നു. കുഞ്ഞ് ജനിച്ച് കഴിഞ്ഞാല്‍ ഭയങ്കര സന്തോഷമായിരിക്കും, നമ്മള്‍ വേറൊരു ലോകത്തായിരിക്കും, കുഞ്ഞിനെ നമ്മള്‍ ഇങ്ങനെ കണ്ടുകൊണ്ടിരിക്കും എന്നൊക്കെയായിരുന്നു എല്ലാവരും പറഞ്ഞത്. അതൊക്കെ തെറ്റാണ്. ഡെലിവറിക്ക് ശേഷം നല്ല വേദനയുണ്ടായിരുന്നുവെന്നും അനുരാധ പറയുന്നു.
രണ്ട് ചിത്രത്തില്‍ ഒന്നിച്ചു, രണ്ടും ഹിറ്റ്; അടുത്ത നാനി ചിത്രത്തിലും 'റോക്ക്സ്റ്റര്‍' സംഗീതം
ത്രില്ലടിപ്പിച്ച് ധ്യാനും സണ്ണിവെയ്നും: 'ത്രയം' ട്രെയിലർ പുറത്ത്, ഒക്ടോബർ 25 റിലീസ്
