ബിഗ് ബോസ് താരം അബ്ദു റോസിക്ക് വിവാഹിതനാകുന്നു; വധു ഇവരാണ്, ചിത്രങ്ങള്‍ പങ്കിട്ടു
ബിഗ് ബോസിന് മുമ്പ് തന്‍റെ 'ബർഗിർ' മെമ്മിലൂടെ അദ്ദേഹം സോഷ്യൽ മീഡിയ സെൻസേഷനായി മാറിയിരുന്നു.
 )
Followമുംബൈ: ബിഗ്ബോസ് ഹിന്ദി ഷോയുടെ 16 സീസണിലൂടെ ശ്രദ്ധേയനായ അബ്ദു റോസിക്ക് വിവാഹിതനാകാന്‍ പോകുന്നു. സോഷ്യല്‍ മീഡിയ പോസ്റ്റിലൂടെ അബ്ദു റോസിക്കി തന്നെയാണ് വിവാഹ നിശ്ചയ ഫോട്ടോകള്‍ പുറത്തുവിട്ടത്. കഴിഞ്ഞ മാസം ആയിരുന്നു യുഎഇയിലെ ഷാര്‍ജയില്‍ വച്ച് വിവാഹ നിശ്ചയം നടന്നത് എന്നാണ് വിവരം.
താജിക്കിസ്ഥാനിൽ നിന്നുള്ള പ്രശസ്തനായ സംഗീതജ്ഞനാണ് അബ്ദു. സല്‍മാന്‍ ഖാന്‍ അവതാരകമായി എത്തിയ 'ബിഗ് ബോസ് 16' ല്‍ പങ്കെടുത്തതോടെ അദ്ദേഹം ഇന്ത്യയിൽ വളരെയധികം ജനപ്രീതി നേടിയത്. എന്നാല്‍ പ്രൊഫഷണൽ ബാധ്യതകൾ കാരണം അബ്ദു സ്വമേധയാ ബിഗ് ബോസ് 16 ഉപേക്ഷിക്കുകയായിരുന്നു.
ബിഗ് ബോസിന് മുമ്പ് തന്‍റെ 'ബർഗിർ' മെമ്മിലൂടെ അദ്ദേഹം സോഷ്യൽ മീഡിയ സെൻസേഷനായി മാറിയിരുന്നു. മുംബൈയിൽ ബർഗിർ എന്ന പേരിൽ ഒരു റസ്റ്റോറന്‍റും അദ്ദേഹത്തിനുണ്ട്. യുഎഇയിലാണ് സ്ഥിര താമസം.
വധുവിന് സമ്മാനിക്കാനുള്ള വിവാഹ മോതിരം അടക്കം അബ്ദു റോസിക്ക് പോസ്റ്റ് ചെയ്തിട്ടുണ്ട്. ഈ മോതിരവുമായി വധുവിന് അടുത്തിരിക്കുന്ന ചിത്രവും ഇദ്ദേഹം പങ്കുവച്ചിട്ടുണ്ട്. ജീവിതത്തില്‍ ഇത്തരം ഒരു മുഹൂര്‍ത്തം ഉണ്ടാകുമെന്ന് കരുതിയില്ലെന്നും എന്നെ തിരിച്ചറിയുന്ന ഒരു പങ്കാളിയെ ലഭിച്ചെന്നും അബ്ദു നേരത്തെ പോസ്റ്റ് ചെയ്ത വീഡിയോയില്‍ പറഞ്ഞിരുന്നു.
ജൂലൈ ഏഴിനായിരിക്കും അബ്ദു റോസിക്കിന്‍റെ വിവാഹം നടക്കുക. അമീറ എന്നാണ് ഇദ്ദേഹത്തിന്‍റെ വധുവിന്‍റെ പേര്. ഇ.ടി ടൈംസിന് നല്‍കിയ അഭിമുഖത്തില്‍ തന്‍റെ ജീവിതത്തിലേക്ക് അമീറ കടന്നുവന്നതോടെ എല്ലാം മാറിയെന്നാണ് അബ്ദു റോസിക്ക് വിശേഷിപ്പിച്ചത്.
'നോ എന്ന് പറഞ്ഞാല്‍ നോ' : തന്നിലേക്ക് നീണ്ട ക്യാമറയെ തട്ടിയെറിഞ്ഞ് ദീപിക - വീഡിയോ വൈറല്‍
