'ഒരുപാട് ത്യാഗങ്ങള്‍ സഹിച്ചിട്ടുണ്ട് ഇതിനായി'; ഇപ്പോൾ എല്ലാത്തിനും പരിഹാരമായെന്ന് ഗൗരി കൃഷ്ണൻ
ഒന്നര വര്‍ഷത്തെ കാത്തിരിപ്പും കഷ്ടപ്പാടുമാണ് വീട്. വിവാഹത്തിന് മുന്‍പേ തന്നെ പണികള്‍ തുടങ്ങിയിരുന്നു.
Followകൊച്ചി: ഏഷ്യനെറ്റില്‍ സംപ്രേക്ഷണം ചെയ്തിരുന്ന പൗര്‍ണമി തിങ്കള്‍ എന്ന സീരിയലിലൂടെയാണ് ഗൗരി കൃഷ്ണ എന്ന നടി പ്രേക്ഷകര്‍ക്ക് പരിചിതയായത്. ആ സീരിയലിന്‍റെ സംവിധായകന്‍ മനോജ് ആണ് ഗൗരിയുടെ ഭര്‍ത്താവ്. സെറ്റില്‍ വച്ചു തുടങ്ങിയ സൗഹൃദം പിന്നെ പ്രണയമായി. വിവാഹ വിശേഷങ്ങളെല്ലാം ഗൗരി സോഷ്യല്‍ മീഡിയയിലൂടെ പങ്കുവച്ചിരുന്നു.
അഭിനയത്തില്‍ നിന്നും മാറി നില്‍ക്കുന്ന നടി ഇപ്പോള്‍ പഠനത്തില്‍ ശ്രദ്ധ കേന്ദ്രീകരിക്കുകയാണ്. യൂട്യൂബ് ചാനലിലൂടെ തങ്ങളുടെ വിശേഷങ്ങള്‍ എല്ലാം ഗൗരി പങ്കുവയ്ക്കാറുണ്ട്. അങ്ങനെ പങ്കുവച്ച വിശേഷങ്ങളിലൊന്നായിരുന്നു പണിയാന്‍ പോകുന്ന പുതിയ വീട്. പല വീഡിയോകളിലും പണി നടന്നുകൊണ്ടിരിയ്ക്കുന്ന വീഡിയോയുടെ വിശേഷങ്ങള്‍ ഗൗരി പങ്കുവച്ചിട്ടുണ്ട്.
രണ്ട് ദിവസം മുന്‍പ് ആ വീടിന്റെ പാലുകാച്ചല്‍ കഴിഞ്ഞു. ചടങ്ങിന്റെ വീഡിയോ പങ്കുവച്ച് എത്തിയിരിക്കുകയാണ് നടി.ഒന്നര വര്‍ഷത്തെ കാത്തിരിപ്പും കഷ്ടപ്പാടുമാണ് വീട്. വിവാഹത്തിന് മുന്‍പേ തന്നെ പണികള്‍ തുടങ്ങിയിരുന്നു. വിവാഹത്തിന് ശേഷം രണ്ടുപേരും ഒരുമിച്ചായി. ഒരുപാട് ത്യാഗങ്ങള്‍ സഹിച്ചിട്ടുണ്ട് ഈ വീട് പൂര്‍ത്തിയാക്കുന്നതിന് വേണ്ടി. ഞങ്ങള്‍ക്കിടയില്‍ ഒരുപാട് വഴക്കുകള്‍ ഉണ്ടായിട്ടുണ്ട്.
ഷൂട്ട് കഴിഞ്ഞാല്‍ മനോജ് നേരെ വീട് പണി നടക്കുന്ന ഇടത്തേക്ക് വരും. എനിക്ക് തരേണ്ട സമയം പോലും അവിടെ ചെലവഴിക്കുന്നു എന്ന് പറഞ്ഞാണ് വഴക്ക് നടക്കാറുള്ളത്. പക്ഷേ എല്ലാത്തിനും ഇപ്പോള്‍ പരിഹാരമായി. വീടിന്റെ ഓരോ കാര്യങ്ങളും മനോജ് സര്‍ നോക്കി നോക്കി ചെയ്തതാണ്. പലതും മാറ്റിയും മറിച്ചും ആലോചിച്ചും ഒക്കെ പൂര്‍ത്തിയാക്കുകയായിരുന്നു. വീടിന്റെ ഇന്റീരിയല്‍ കുറച്ച് ബാക്കിയുണ്ട്. ഫര്‍ണിച്ചറുകള്‍ എല്ലാം സെറ്റ് ചെയ്യുന്നതിന്റെ പരിപാടി പാലുകാച്ചലിന് ശേഷം മാത്രം. അത് കഴിഞ്ഞ് ഹോം ടൂര്‍ ചെയ്യാം എന്നാണ് ഗൗരി പറഞ്ഞത്.
നടി യാമി ഗൗതമിന് ആണ്‍കുഞ്ഞ് പിറന്നു; അപൂര്‍വ്വമായ പേരിട്ട് താര ദമ്പതികള്‍
'മോദിയായി വേഷമിടാന്‍ സത്യരാജ്': വാര്‍ത്ത പരന്നയുടന്‍ കിടിലന്‍ മറുപടി നല്‍കി സത്യരാജ്
