'ലോകത്ത് എവിടെ പോയാലും ഈ സ്വർഗത്തിൽ ജീവിക്കുന്ന സുഖം വേറെയില്ല'; വീടിനെക്കുറിച്ച് സൂരജ് സൺ
പ്രണവ് മോഹൻലാൽ ചിത്രം 'ഹൃദയ'ത്തില്‍ സൂരജ് അഭിനയിച്ചിരുന്നു. പിന്നീട് നായകനായും വെള്ളിത്തിരയില്‍ തിളങ്ങി.
Followടെലിവിഷന്‍ പ്രേക്ഷകര്‍ക്ക് സുപരിചിതനായി പിന്നീട് സിനിമയിലും അഭിനയിച്ച താരമാണ് സൂരജ് സണ്‍. പാടാത്ത പൈങ്കിളി പരമ്പരയില്‍ ദേവ എന്ന കഥാപാത്രത്തെ അവതരിപ്പിച്ചായിരുന്നു സൂരജിന്റെ കരിയര്‍ തുടങ്ങിയത്. വിജയകരമായി മുന്നേറുന്നതിനിടെ അപ്രതീക്ഷിതമായി പരമ്പരയില്‍ നിന്നും പിന്‍മാറേണ്ടി വന്നു. അതാവട്ടെ മറ്റൊരു വഴിത്തിരിവായി മാറുകയായിരുന്നു.
പ്രണവ് മോഹൻലാൽ ചിത്രം 'ഹൃദയ'ത്തില്‍ മുഖം കാണിക്കാന്‍ അവസരം ലഭിക്കുകയായിരുന്നു. വിനീതിനൊപ്പം പ്രവര്‍ത്തിക്കണമെന്നത് വലിയൊരു ആഗ്രഹമായിരുന്നു. നിമിഷനേരമേ ഉണ്ടായിരുന്നുള്ളൂവെങ്കിലും സൂരജിനെ പ്രേക്ഷകര്‍ തിരിച്ചറിഞ്ഞിരുന്നു. അതിന് ശേഷമായാണ് അദ്ദേഹത്തിന് നായകനായി അഭിനയിക്കാനുള്ള അവസം ലഭിച്ചത്. ആ സന്തോഷവും സൂരജ് ഫേസ്ബുക്കിലൂടെ പങ്കിട്ടിരുന്നു. സിനിമയുടെ ലൊക്കേഷനിലെ വിശേഷങ്ങളെല്ലാം പ്രേക്ഷകരുമായി പങ്കിട്ടിരുന്നു. തന്റെ വീടിനെക്കുറിച്ച് താരം പറഞ്ഞുള്ള പുതിയ പോസ്റ്റാണ് ഇപ്പോള്‍ ചര്‍ച്ചയായി കൊണ്ടിരിക്കുന്നത്.
'പിറകോട്ട് നോക്കിയാൽ ഒരു കാലമുണ്ട്. അതോർക്കുമ്പോൾ ഇന്ന് അഭിമാനം തോന്നുന്നു. മഴ പെയ്യുമ്പോൾ ചോർന്നൊലിച്ച് ഉറങ്ങാതെ ഇരുന്ന് നേരം പുലർത്തുന്ന ദിവസങ്ങൾ. അന്ന് ഞാൻ സ്വപ്നം കണ്ടിരുന്നു ഇങ്ങനെ ഉള്ള വീട്ടിൽ താമസിക്കണമെന്ന്. ഞാൻ അമ്മയോട് പറയും വലുതായാൽ ഞാൻ വലിയ വീട് വെക്കും, കുറേ പൈസ ഉണ്ടാക്കും എന്നൊക്കെ, ചെറുതായാലും ലോകത്ത് എവിടെ പോയാലും എന്റെ ഈ സ്വർഗത്തിൽ ജീവിക്കുന്ന സുഖം വേറെ എവിടെയും കിട്ടില്ല എനിക്ക്. പിന്നെ വീടിനു പേരും ഇട്ടു. സൺ ഹോം' എന്നാണ് സൂരജ് കുറിച്ചത്.
വീടിന്റെ വീഡിയോയും പോസ്റ്റിലുണ്ടായിരുന്നു. ചെറിയ ആഗ്രഹങ്ങളൊക്കെയേ ജീവിതത്തിലുള്ളൂവെന്ന് മുന്‍പ് സൂരജ് വ്യക്തമാക്കിയിരുന്നു. അച്ഛനെയും അമ്മയേയും അച്ഛമ്മയേയുമെല്ലാം സൂരജ് മുന്‍പ് പരിചയപ്പെടുത്തിയിരുന്നു. അടുത്തിടെയായിരുന്നു അച്ഛമ്മയുടെ വിയോഗം. ചിലർ ശാന്തമായി വീട്ടിലുണ്ടങ്കിലും ഒരാൾക്കൂട്ടം ഉള്ളതുപോലെ നമ്മൾക്ക് തോന്നും. അവർ ഇല്ലാതായാൽ ആ ശാന്തത നമ്മൾ അനുഭവിക്കും എന്നായിരുന്നു അച്ഛമ്മയ്ക്കൊപ്പമുള്ള വീഡിയോയുടെ താഴെ സൂരജ് എഴുതിയത്.
ആക്ഷേപ ഹാസ്യത്തിന്റെ പുത്തൻ രസക്കൂട്ടുകൾ; പൊറാട്ട് നാടകം ടീസർ എത്തി
