ഭൂമിയുടെ ഉള്‍ഭാഗത്തെക്കുറിച്ച് പഠിച്ച ഗവേഷകര്‍ ഇപ്പോള്‍ അങ്കലാപ്പില്‍; ആശങ്ക.!
ഭൂമി തണുത്തുറഞ്ഞ നിരക്കിനെക്കുറിച്ചും ഗ്രഹത്തിന്റെ ഉള്‍ഭാഗം പൂര്‍ണമായി തണുപ്പിക്കാനാകുമോ എന്നതിനെക്കുറിച്ചും ഗവേഷകര്‍ക്ക് ഇതുവരെ ഉത്തരം കണ്ടെത്താന്‍ കഴിഞ്ഞിട്ടില്ല.
Followഭൂമിയുടെ കാമ്പിനും മാന്റിലിനും ഇടയില്‍ സാധാരണയായി കാണപ്പെടുന്ന ബ്രിഡ്ജ്മാനൈറ്റ് എന്ന ധാതുവിനെക്കുറിച്ച് പഠിച്ച ഗവേഷകര്‍ ഇപ്പോള്‍ അങ്കലാപ്പിലാണ്. ഭൂമിയുടെ ആന്തരിക താപം വേഗത്തില്‍ അപ്രത്യക്ഷമാകുകയും അത് പ്രതീക്ഷിച്ചതിലും വേഗത്തില്‍ തണുക്കുകയും ചെയ്യുന്നുവെന്ന് സംശയിക്കുന്നു. ഏകദേശം 4.5 ബില്യണ്‍ വര്‍ഷങ്ങള്‍ക്ക് മുമ്പ്, ഭൂമിയുടെ ഉപരിതലം മാഗ്മയാല്‍ മൂടപ്പെട്ടിരുന്നു. ഗ്രഹത്തിന്റെ ഉപരിതലം തണുത്ത് പുറംതോട് രൂപപ്പെട്ടു. എന്നിരുന്നാലും, പ്ലേറ്റ് ടെക്‌റ്റോണിക്‌സ്, ഭൂകമ്പങ്ങള്‍, അഗ്‌നിപര്‍വ്വതങ്ങള്‍ എന്നിവ നിയന്ത്രിക്കുന്ന ഭൂമിയുടെ കാമ്പിലും മാന്റിലിലും ഇപ്പോഴും വലിയ താപ ഊര്‍ജ്ജമുണ്ട്.
ഭൂമി തണുത്തുറഞ്ഞ നിരക്കിനെക്കുറിച്ചും ഗ്രഹത്തിന്റെ ഉള്‍ഭാഗം പൂര്‍ണമായി തണുപ്പിക്കാനാകുമോ എന്നതിനെക്കുറിച്ചും ഗവേഷകര്‍ക്ക് ഇതുവരെ ഉത്തരം കണ്ടെത്താന്‍ കഴിഞ്ഞിട്ടില്ല. എന്നാല്‍, അതുമായി ബന്ധപ്പെട്ടു നടത്തിയ പഠനം നല്‍കിയ റിപ്പോര്‍ട്ടാണ് ഇപ്പോള്‍ ശാസ്ത്രജ്ഞരെ അമ്പരപ്പിക്കുന്നത്. ലബോറട്ടറിയില്‍ ബ്രിഡ്ജ്മാനൈറ്റിന്റെ റേഡിയോ ആക്ടീവ് താപ ചാലകത അന്താരാഷ്ട്ര സംഘം അളന്നു. ഭൂമിയുടെ കോര്‍-മാന്റില്‍ അതിര്‍ത്തി ബ്രിഡ്ജ്മാനൈറ്റ് കൊണ്ട് സമ്പന്നമാണ്. 'റേഡിയറ്റീവ് താപ ചാലകത അടിസ്ഥാന താപ ചാലക സംവിധാനങ്ങളിലൊന്നാണ്. വര്‍ണ്ണത്തെ (അപാക്വനെസ്) ശക്തമായി ആശ്രയിക്കുന്നതിനാല്‍, ഭൂമിയുടെ കോര്‍-മാന്റില്‍ അതിര്‍ത്തി പ്രദേശവുമായി ബന്ധപ്പെട്ട ഉയര്‍ന്ന മര്‍ദ്ദത്തിലും ഉയര്‍ന്ന താപനിലയിലും മാതൃകയുടെ (ബ്രിഡ്ജ്മാനൈറ്റ്) ഒപ്റ്റിക്കല്‍ ആഗിരണം അളക്കല്‍ പ്രയോഗിച്ചു,'' പഠനത്തിന് നേതൃത്വം നല്‍കിയ മോട്ടോഹിക്കോ മുറകാമി വിശദീകരിച്ചു.
ബ്രിഡ്ജ്മാനൈറ്റിന്റെ താപ ചാലകത ഊഹിച്ചതിനേക്കാള്‍ 1.5 മടങ്ങ് കൂടുതലാണെന്ന് ഈ ഫലങ്ങള്‍ കാണിച്ചു. മറ്റ് പാറക്കെട്ടുകളുള്ള ഗ്രഹങ്ങള്‍ പ്രതീക്ഷിച്ചതിലും വേഗത്തില്‍ തണുക്കുകയും പ്രവര്‍ത്തനരഹിതമാവുകയും ചെയ്‌തേക്കാമെന്നും ഈ കണ്ടെത്തലുകള്‍ സൂചിപ്പിക്കുന്നു. എര്‍ത്ത് ആന്‍ഡ് പ്ലാനറ്ററി സയന്‍സ് ലെറ്റേഴ്‌സില്‍ ഈയിടെ പ്രസിദ്ധീകരിച്ച പ്രബന്ധം ഈ തണുപ്പിക്കല്‍ പല ടെക്‌റ്റോണിക് പ്രവര്‍ത്തനങ്ങളെയും ദുര്‍ബലപ്പെടുത്തുമെന്ന് കൂട്ടിച്ചേര്‍ക്കുന്നു.
ഭാവിയില്‍ ഇത് കുറഞ്ഞ ഭൂകമ്പങ്ങള്‍ക്കും അഗ്‌നിപര്‍വ്വത സ്‌ഫോടനങ്ങള്‍ക്കും ഇടയാക്കുമോ എന്ന് ചോദിച്ചപ്പോള്‍, ഡോ. മുറകാമി പറഞ്ഞു: 'അതെ, ഞാന്‍ അങ്ങനെ വിശ്വസിക്കുന്നു. എല്ലാ ടെക്‌റ്റോണിക് പ്രവര്‍ത്തനങ്ങളും (ഭൂകമ്പങ്ങള്‍, അഗ്‌നിപര്‍വ്വതങ്ങള്‍, പ്ലേറ്റ് ടെക്‌റ്റോണിക്‌സ്) ഭൂമിയുടെ ആഴത്തില്‍ നിന്ന് പുറത്തുവിടുന്ന താപ ഊര്‍ജ്ജത്താല്‍ നയിക്കപ്പെടുമെന്നതിനാല്‍, ഭൂമിയുടെ ഉപരിതല ടെക്‌റ്റോണിക് പ്രവര്‍ത്തനത്തിന്റെയും ചലനാത്മകത കൂടുതലോ കുറവോ ആകും. എന്നിരുന്നാലും, ഈ ആവരണത്തിലെ പ്രവാഹങ്ങളെ നിലനിര്‍ത്തുന്ന തണുപ്പിക്കല്‍ സംഭവിക്കാന്‍ എത്ര സമയമെടുക്കുമെന്ന് ട്രാക്ക് ചെയ്യുന്നത് വലിയൊരു വെല്ലുവിളിയാണെന്ന് അദ്ദേഹം കൂട്ടിച്ചേര്‍ക്കുന്നു.
