ദീർഘകാലമായി പ്രവാസിയായിരുന്ന കെഎംസിസി നേതാവ് സൗദിയിൽ നിര്യാതനായി
എയർകണ്ടീഷണിങ് മേഖലയിൽ പ്രവര്‍ത്തിച്ച് വരികയായിരുന്ന ഇദ്ദേഹം കെഎംസിസി നേതാവാണ്.
Followറിയാദ്: പ്രവാസി മലയാളി ഹൃദയാഘാതം മൂലം സൗദിയിൽ നിര്യാതനായി. കെഎംസിസി നേതാവായ അബ്ദുൽ ഷുക്കൂർ (57) ആണ് ദമ്മാമിന് സമീപം ഖത്വീഫിൽ നിര്യാതനായത്. ഖത്വീഫ് അനക്ക് ഏരിയ കെഎംസിസി ചെയർമാൻ മമ്പാട് ടാണയിൽ പനങ്ങാടൻ ബാപ്പുട്ടി-ആമിന ദമ്പതികളുടെ മകനാണ് ഇദ്ദേഹം.
ദീർഘകാലമായി അനക്കിൽ എയർകണ്ടീഷണിങ് മേഖലയിൽ പ്രവർത്തിച്ചു വരികയായിരുന്നു. ഭാര്യ: സാജിത. മക്കൾ: സുജു സിയാസ്, സിനു സിയാന, സിലി സിഫ്ല. മരുമക്കൾ: ഹംസ തൃപ്പനച്ചി, നിഷാദ് കുണ്ടുതൊട്, വാഹിദ കാട്ടുമുണ്ട. ഖത്വീഫ് സെൻട്രൽ ആശുപത്രിയിലുള്ള മൃതദേഹം നിയമനടപടികൾ പൂർത്തീകരിച്ച് നാട്ടിൽ കൊണ്ടുപോകുമെന്ന് ബന്ധുക്കളും കെ.എം.സി.സി നേതാക്കളും അറിയിച്ചു.
Read Also - നെഞ്ചുവേദന, ആശുപത്രിയിൽ വെന്‍റിലേറ്ററിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല; സൗദി പ്രവാസി മരിച്ചു
