വിമ്പിൾഡൺ: ജോക്കോവിച്ച് മൂന്നാം റൗണ്ടിൽ; അഞ്ച് സെറ്റ് ത്രില്ലർ അതിജീവിച്ച് കിർഗിയോസ്
മൂന്ന് സെറ്റിലും ആൻഡേഴ്സന്റെ ഓരോ ഗെയിം വീത് ബ്രേക്ക് ചെയ്ത ജോക്കോ ഒന്നേകാൽ മണിക്കൂറിൽ മത്സരം സ്വന്തമാക്കി. വിമ്പിൾഡണിൽ ആറാമത്തെയും തുടർച്ചയായ മൂന്നാമത്തെയും കിരീടം തേടിയാണ് ജോക്കോവിച്ച് ഇത്തവണ പൊരുതുന്നത്.
Followലണ്ടൻ: ലോക ഒന്നാം നമ്പർ താരവും നിലവിലെ ജേതാവുമായി നൊവാക് ജോക്കോവിച്ച് വിമ്പിൾഡമ്‍ ടെന്നീസ് പുരുഷ വിഭാഗം സിംഗിൾസ് മൂന്നാം റൗണ്ടിലെത്തി. ദക്ഷിണാഫ്രിക്കയുടെ കെവിൻ ആൻ‍ഡേഴ്സണെ നേരിട്ടുള്ള സെറ്റുകളിൽ മറികടന്നാണ് ജോക്കോയുടെ മുന്നേറ്റം. സ്കോർ 6-3, 6-3, 6-3.
മൂന്ന് സെറ്റിലും ആൻഡേഴ്സന്റെ ഓരോ ഗെയിം വീതം ബ്രേക്ക് ചെയ്ത ജോക്കോ ഒന്നേകാൽ മണിക്കൂറിൽ മത്സരം സ്വന്തമാക്കി. വിമ്പിൾഡണിൽ ആറാമത്തെയും തുടർച്ചയായ മൂന്നാമത്തെയും കിരീടം തേടിയാണ് ജോക്കോവിച്ച് ഇത്തവണ പൊരുതുന്നത്.
പുരുഷ വിഭാഗം സിംഗിൾസിലെ മറ്റൊരു മത്സരത്തിൽ നിക്ക് കിർഗിയോസ് അഞ്ച് സെറ്റ് പോരാട്ടത്തിൽ യുഗോ ഹംബർട്ടിനെ മറികടന്നു. സ്കോർ. 6-4 4-6 3-6 6-1 9-7. വിമ്പിൾഡണിൽ ഒമ്പതാം കിരീടം തേടയിറങ്ങുന്ന റോജർ ഫെഡറർ രണ്ടാം റൗണ്ട് പോരാട്ടത്തിൽ റിച്ചാർഡ് ഗാസ്കറ്റിനെയാണ് നേരിടുക.
ആദ്യ റൗണ്ടിൽ മന്നാരിന്നോയുടെ കടുത്ത പോരാട്ടത്തെ അതിജീവിച്ചാണ് ഫെഡറർ രണ്ടാം റൗണ്ടിലെത്തിയത്. രണ്ട് സെറ്റ് നഷ്ടമാക്കി രണ്ട് സെറ്റ് നേടിയ ഫെഡറർക്കെതിരെ പരിക്കുമൂലം അവസാന സെറ്റ് കളിക്കാതെ മന്നാരിന്നോ പിൻമാറുകയായിരുന്നു.
