2032ലെ ഒളിംപിക്സ് ഓസ്ട്രേലിയയിലെ ബ്രിസ്ബേനിൽ
2032ലെ ഒളിംപിക്സിന് വേദിയാവാൻ ഇന്തോനേഷ്യ, ഹംഗറി തലസ്ഥാനമായ ബുഡാപെസ്റ്റ്, ചൈന, ഖത്തറിലെ ദോഹ, ജർമനിയിലെ റുർ വാലി പ്രവിശ്യ എന്നിവയാണ് താൽപര്യം അറിയിച്ചിരുന്നത്. ഫെബ്രുവരിയിൽ തന്നെ ബ്രിസ്ബേനെ അന്താരാഷ്ട്ര ഒളിംപിക്സ് കമ്മിറ്റി സാധ്യതാ നഗരമായി തെരഞ്ഞെടുത്തിരുന്നു.
Followടോക്കിയോ: 2032ലെ ഒളിംപിക്സ് ഓസ്ട്രേലിയയിലെ ബ്രിസ്ബേനിൽ നടക്കും. ഒളിംപിക്സിന് വേദിയാവുന്ന മൂന്നാമത്തെ ഓസ്ട്രേലിയൻ നഗരമാണ് ബ്രിസ്ബേൻ. അമേരിക്കയ്ക്കുശേഷം മൂന്ന് വ്യത്യസ്ത നഗരങ്ങളിൽ ഒളിംപിക്സിന് ആതിഥേയത്വം വഹിക്കുന്ന രാജ്യവും ഓസ്ട്രേലിയയാണ്. 1956ൽ മെൽബണും 2000ൽ സിഡ്നിയും ഒളിംപിക്സിന് വേദിയായിരുന്നു.
2032ലെ ഒളിംപിക്സിന് വേദിയാവാൻ ഇന്തോനേഷ്യ, ഹംഗറി തലസ്ഥാനമായ ബുഡാപെസ്റ്റ്, ചൈന, ഖത്തറിലെ ദോഹ, ജർമനിയിലെ റുർ വാലി പ്രവിശ്യ എന്നിവയാണ് താൽപര്യം അറിയിച്ചിരുന്നത്. ഫെബ്രുവരിയിൽ തന്നെ ബ്രിസ്ബേനെ അന്താരാഷ്ട്ര ഒളിംപിക്സ് കമ്മിറ്റി സാധ്യതാ നഗരമായി തെരഞ്ഞെടുത്തിരുന്നു.
നിലവിലെ വേദികൾ, സർക്കാരിൽ നിന്നും സ്വകാര്യ മേഖലയിൽ നിന്നുമുള്ള പിന്തുണ, പ്രധാന കായിക മത്സരങ്ങൾ നടത്തിയിട്ടുള്ള പരിചയസമ്പത്ത്, അനുകൂല കാലാവസ്ഥ എന്നിവയെല്ലാം കണക്കിലെടുത്താണ് ഫെബ്രുവരിയിൽ ബ്രിസ്ബേനെ ഒളിംപിക്സ് കമ്മിറ്റി സാധ്യതാ നഗരമായി പ്രഖ്യാപിച്ചത്.
2018ലെ കോമൺവെൽത്ത് ഗെയിംസിന് ബ്രിസ്ബേൻ ഉൾപ്പെടുന്ന ക്വീൻസ് ലാൻഡ് വേദിയായിരുന്നു. 2024 ഒളിംപിക്സിന് പാരീസും 2028ലെ ഒളിംപിക്സിന് ലോസാഞ്ചൽസുമാണ് വേദിയാവുന്നത്.
നിങ്ങളറിഞ്ഞോ! ഒളിംപി‌ക്‌സിനിടെ സ്വന്തമാക്കാം ഉഗ്രന്‍ സമ്മാനം...കൂടുതലറിയാന്‍ ക്ലിക്ക് ചെയ്യുക
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona.
