ഖത്തർ എയർവെയ്സ് വിമാനത്തിൽ ടാങ്കർ ലോറി ഇടിച്ചു
ഖത്തർ എയർവെയ്സിന്‍റെ ക്യൂആർ 541 വിമാനത്തിലാണ് വെള്ളവുമായി എത്തിയ ടാങ്കർ ലോറി ഇടിച്ചത്. വ്യാഴാഴ്ച പുലർച്ചെ 3.15ന് കോൽക്കത്ത അന്താരാഷ്ട്ര വിമാനത്താവളത്തില്‍ ആയിരുന്നു സംഭവം
 )
Followകോൽക്കത്ത: നൂറോളം യാത്രക്കാരുമായി ദോഹയിലേക്ക് പുറപ്പെടാനിരുന്ന ഖത്തർ എയർവെയ്സ് വിമാനത്തിൽ ടാങ്കർ ലോറി ഇടിച്ചു. ഖത്തർ എയർവെയ്സിന്‍റെ ക്യൂആർ 541 വിമാനത്തിലാണ് വെള്ളവുമായി എത്തിയ ടാങ്കർ ലോറി ഇടിച്ചത്. വ്യാഴാഴ്ച പുലർച്ചെ 3.15ന് കോൽക്കത്ത അന്താരാഷ്ട്ര വിമാനത്താവളത്തില്‍ ആയിരുന്നു സംഭവം. ടാങ്കർ ലോറിയുടെ ബ്രേക്ക് നഷ്ടപ്പെട്ടതായിരിക്കാം അപകടകാരണമെന്നാണ് പ്രാഥമിക വിവരം. ലോറി ഡ്രൈവറെ സസ്പെൻഡു ചെയ്തു.
യാത്രക്കാരെല്ലാം സുരക്ഷിതരാണ്. ഇവരെ ഹോട്ടലിലേക്ക് മാറ്റി. വിമാനത്തിന്‍റെ അടിഭാഗത്തിന് കേടുപാട് സംഭവച്ചിട്ടുണ്ടെന്നും ഇവ പരിഹരിച്ച് വെള്ളിയാഴ്ച പുലർച്ചെ മൂന്നിന് ദോഹയിലേക്ക് സർവീസ് നടത്തുമെന്നും വിമാനത്താവള അധികൃതർ അറിയിച്ചു. സംഭവത്തിൽ ഡിജിസിഎ അന്വേഷണം പ്രഖ്യാപിച്ചു.
