കൊടുക്കുന്ന പണത്തിനുള്ള സ്വർണമുണ്ടോ? അക്ഷയ തൃതീയയ്ക്ക് പരിശുദ്ധി പരിശോധിച്ച് മാത്രം സ്വർണം വാങ്ങുക
അക്ഷയതൃതീയ നാളിൽ സ്വർണം വാങ്ങാൻ യ്യാറെടുക്കുമ്പോൾ, തട്ടിപ്പിന് ഇരയാകാതിരിക്കാൻ ശ്രദ്ധിക്കണം. സ്വർണ്ണത്തിൻ്റെ പരിശുദ്ധി ഉറപ്പിച്ച ശേഷം മാത്രം വാങ്ങുക. സ്വർണ്ണത്തിൻ്റെ പരിശുദ്ധി എങ്ങനെ പരിശോധിക്കണമെന്ന് അറിയാം.
Followസ്വർണം ആഭരണങ്ങളായും ആലങ്കാരങ്ങളായും നിക്ഷേപങ്ങളായും ഒപ്പം വിശ്വാസങ്ങളുടെ പുറത്തും വാങ്ങുന്നവരുമുണ്ട്. രാജ്യത്തെ ഏറ്റവും ഉയർന്ന ഒറ്റദിന വ്യാപാരം നടക്കുന്നത് അക്ഷയ തൃതീയ നാളിലാണ്. സ്വർണാഭരണങ്ങൾ വാങ്ങാൻ ശുഭ ദിനമായാണ് അക്ഷയതൃതീയ ദിനത്തെ കണക്കാക്കുന്നത്. ഭൗമരാഷ്ട്രീയ സംഘർഷങ്ങൾ ഉൾപ്പടെ നിരവധി കാരണങ്ങളാൽ സ്വർണവില ഉയർന്നിട്ടുണ്ട്. ഒരു പവൻ വാങ്ങണമെങ്കിൽ പണിക്കൂലിയും ജിസ്റ്റിയും അടക്കം 60000 ത്തിനടുത്ത് നൽകേണ്ടതുണ്ട്. അക്ഷയതൃതീയ നാളിൽ സ്വർണം വാങ്ങാൻ യ്യാറെടുക്കുമ്പോൾ, തട്ടിപ്പിന് ഇരയാകാതിരിക്കാൻ ശ്രദ്ധിക്കണം. സ്വർണ്ണത്തിൻ്റെ പരിശുദ്ധി ഉറപ്പിച്ച ശേഷം മാത്രം വാങ്ങുക. സ്വർണ്ണത്തിൻ്റെ പരിശുദ്ധി എങ്ങനെ പരിശോധിക്കണമെന്ന് അറിയാം.
2021 ജൂൺ 16 മുതൽ സ്വർണ്ണാഭരണങ്ങളുടെ ഹാൾമാർക്കിംഗ് സർക്കാർ നിർബന്ധമാക്കിയിട്ടുണ്ട്, തുടർന്ന് പുതുക്കിയ ഹാൾമാർക്കിംഗ് അടയാളങ്ങൾ 2021 ജൂലൈ 1 മുതൽ പ്രാബല്യത്തിൽ വന്നു. കൂടാതെ, 2023 ഏപ്രിൽ 1 മുതൽ, 6 അക്ക ഹാൾമാർക്ക് യുണീക്ക് ഐഡൻ്റിഫിക്കേഷൻ (HUID) നമ്പർ ഇല്ലാത്ത സ്വർണ്ണാഭരണങ്ങൾ വിൽക്കുന്നതിൽ നിന്ന് ജ്വല്ലറികൾക്ക് വിലക്കുണ്ട്. ബ്യൂറോ ഓഫ് ഇന്ത്യൻ സ്റ്റാൻഡേർഡ്സിനാണ് ഇന്ത്യയിൽ സ്വർണ്ണാഭരണങ്ങൾ ഹാൾമാർക്ക് ചെയ്യാനുള്ള ചുമതല.
സ്വർണ്ണത്തിൻ്റെ പരിശുദ്ധി എങ്ങനെ പരിശോധിക്കാം?
സ്വർണ്ണാഭരണങ്ങളിലെ ബിഐഎസ് ഹാൾമാർക്ക് എന്നാൽ മൂന്ന് ചിഹ്നങ്ങൾ ഉൾക്കൊള്ളുന്നതാണ്.
1 ബിഐഎസ് സ്റ്റാൻഡേർഡ് മാർക്ക്: ത്രികോണത്തിൻ്റെ ആകൃതിയിലുള്ള ബിഐഎസ് ലോഗോ, സ്വർണ്ണാഭരണങ്ങളുടെ പരിശുദ്ധി ബിഐഎസ് അംഗീകരിച്ച കേന്ദ്രം സാക്ഷ്യപ്പെടുത്തിയതിനെ സൂചിപ്പിക്കുന്നു.
2 പ്യൂരിറ്റി/ഫൈൻനസ് ഗ്രേഡ്: ഈ ചിഹ്നം ഒരു ആഭരണത്തിലെ സ്വർണ്ണത്തിൻ്റെ പരിശുദ്ധിയുടെ അളവ് രേഖപ്പെടുത്തുന്നു. ഉദാഹരണത്തിന്, 22 കാരറ്റ് സ്വർണ്ണാഭരണങ്ങളിൽ 91.6% സ്വർണ്ണം അടങ്ങിയിരിക്കുന്നു, അതേസമയം 18 കാരറ്റ് സ്വർണ്ണത്തിൽ 75% സ്വർണ്ണം അടങ്ങിയിരിക്കുന്നു. 14 കാരറ്റ്, 18 കാരറ്റ്, 20 കാരറ്റ് 22 കാരറ്റ്, 23 കാരറ്റ്, 24 കാരറ്റ് എന്നിങ്ങനെ ആറ് വിഭാഗങ്ങളിലായി BIS ഹാൾമാർക്കിംഗ് അനുവദിക്കുന്നു.
3 ആറ് അക്ക ആൽഫാന്യൂമെറിക് കോഡ്: ഹാൾമാർക്ക് ചെയ്ത സ്വർണ്ണാഭരണങ്ങളുടെ ഓരോ ഭാഗവും ഒരു അദ്വിതീയ എച്ച് യു ഐ ഡി നമ്പർ ഉൾക്കൊള്ളുന്നു, ഇത് BIS കെയർ ആപ്പ് ഉപയോഗിച്ച് ഉപഭോക്താക്കളെ അതിൻ്റെ ആധികാരികത പരിശോധിക്കാൻ അനുവദിക്കുന്നു.
