നായകന്‍ ധ്യാന്‍ ശ്രീനിവാസന്‍; 'ഐഡി'യിലെ ആദ്യ ഗാനം എത്തി
'ദി ഫേക്ക്' എന്ന ടാഗ് ലൈനിലാണ് ചിത്രം എത്തുന്നത്
 )
Followധ്യാൻ ശ്രീനിവാസനെ നായകനാക്കി നവാഗതനായ അരുൺ ശിവവിലാസം തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് 'ഐഡി'. എസ്സാ എന്റർടെയ്ന്‍‍മെന്‍റ്സിന്‍റെ ബാനറിൽ മുഹമ്മദ് കുട്ടിയാണ് ചിത്രത്തിന്റെ നിര്‍മ്മാണം. 'ദി ഫേക്ക്' എന്ന ടാഗ് ലൈനിൽ വരുന്ന ചിത്രത്തിൽ ദിവ്യ പിള്ളയാണ് നായിക. ഇന്ദ്രൻസ്, ഷാലു റഹീം എന്നിവരും ചിത്രത്തിൽ കേന്ദ്ര കഥാപാത്രങ്ങളാവുന്നു. ഇപ്പോഴിതാ ചിത്രത്തിലെ ആദ്യ ഗാനം പുറത്തെത്തിയിരിക്കുകയാണ്. അജീഷ് ദാസൻ, നിഹാൽ സാദ്ദിഖ് എന്നിവരുടെ വരികളിൽ 'സഗമപാ' എന്ന് തുടങ്ങുന്ന ഗാനം നിഹാൽ തന്നെയാണ് സംഗീതം നൽകി ആലപിച്ചിരിക്കുന്നത്.
കലാഭവൻ ഷാജോൺ, ഭഗത് മാനുവൽ, ബോബൻ സാമുവൽ, ജോണി ആന്റണി, ജയകൃഷ്‍ണൻ, പ്രശാന്ത് അലക്സാണ്ടർ, പ്രമോദ് വെളിയനാട്, ഉല്ലാസ് പന്തളം, സ്മിനു സിജോ, മനോഹരിയമ്മ, ജസ്‌ന്യ ജഗദീഷ്, ബേബി, ഷൈനി സാറ തുടങ്ങിയ താരനിരയും ചിത്രത്തിൽ അണിനിരക്കുന്നു. ഫൈസൽ അലിയാണ് ഈ ചിത്രത്തിൻ്റെ ക്യാമറ കൈകാര്യം ചെയ്യുന്നത്. ഐജാസ് വി എ, ഷഫീൽ എന്നിവരാണ് ചിത്രത്തിൻെറ എക്സിക്യൂട്ടീവ് പ്രൊഡ്യൂസേഴ്സ്.
ലൈൻ പ്രൊഡ്യൂസർ ഫായിസ് യൂസഫ്, മ്യൂസിക് നിഹാൽ സാദിഖ്, ബിജിഎം വില്യം ഫ്രാൻസിസ്, എഡിറ്റർ റിയാസ് കെ ബദർ, പ്രൊഡക്ഷൻ കൺട്രോളർ സുരേഷ് മിത്രക്കരി, ചീഫ് അസോസിയേറ്റ് ഡയറക്ടർ കെ ജെ വിനയൻ, അസോസിയേറ്റ് ഡയറക്ടർ ടിജോ തോമസ്, ആർട്ട് വേലു വാഴയൂർ, വരികൾ അജീഷ് ദാസൻ, മേക്കപ്പ് ജയൻ പൂങ്കുളം, കോസ്റ്റ്യൂംസ് രാംദാസ്, വിഎഫ്എക്സ് ഷിനു മഡ്ഹൗസ്, എസ്എഫ്എക്സ് നിഖിൽ സെബാസ്റ്റ്യൺ, ഫിനാൻസ് കൺട്രോളർ മിഥുൻ ജോർജ് റിച്ചി, ടിം തോമസ് ജോൺ, സൗണ്ട് മിക്സിംഗ് അജിത്ത് എ ജോർജ്, ട്രെയ്‍ലര്‍ കട്ട്സ് ഹരീഷ് മോഹൻ, ഡിസ്‌ട്രിബ്യൂഷൻ തന്ത്ര മീഡിയ, പ്രൊഡക്ഷൻ എക്സിക്യൂട്ടീവ്& ഡിസൈൻസ് ജിസ്സൻ പോൾ, പിആർഒ പി ശിവപ്രസാദ്, സ്റ്റിൽസ് റിച്ചാർഡ് ആന്റണി എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ.
ALSO READ : കന്നഡ പ്രേക്ഷകര്‍ക്ക് മുന്നിലേക്കും സംവിധായകന്‍ ജോജു; 'പണി' കന്നഡ ട്രെയ്‍ലര്‍ എത്തി
