Beast Song : 'ബീസ്റ്റ്' മോഡ് ഓൺ; വിജയ് ചിത്രത്തിലെ മാസ് ഗാനമെത്തി
ചിത്രം ഏപ്രിൽ 13നാണ് പ്രേക്ഷകർക്ക് മുന്നിലെത്തുക.
 )
Followവിജയ് (Vijay) ആരാധകർ ഏറെ ആകാംക്ഷയോടെയും പ്രതീക്ഷയോടെയും കാത്തിരിക്കുന്ന ചിത്രം ബീസ്റ്റിന്റെ (Beast movie) പുതിയ ലിറിക് വീഡിയോ പുറത്ത്. ചിത്രത്തിന്റേതായി പുറത്തിറങ്ങുന്ന മൂന്നാമത്തെ ഗാനമാണ് ബീസ്റ്റ് മോഡ്. വിവേകിന്റെ വരികൾക്ക് സംഗീതം നൽകി ഗാനം ആലപിച്ചിരിക്കുന്നത് അനിരുദ്ധ് ആണ്. പാട്ട് ഇതിനോടകം തരംഗമായി കഴിഞ്ഞു.
ചിത്രം ഏപ്രിൽ 13നാണ് പ്രേക്ഷകർക്ക് മുന്നിലെത്തുക. ഏതാനും ദിവസങ്ങൾക്ക് മുമ്പായിരുന്നു ചിത്രത്തിന്റെ ട്രെയിലർ പുറത്തിറങ്ങിയത്. മാസ്സും ഫൈറ്റും ഒത്തുചേർന്ന ട്രെയിലർ ഇതിനോടകം തരംഗം തീർത്തു കഴിഞ്ഞു. വീരരാഘവന്‍ എന്ന സ്പൈ ഏജന്‍റ് ആണ് വിജയിയുടെ കഥാപാത്രം. നഗരത്തിലെ ഒരു ഷോപ്പിംഗ് മാള്‍ പിടിച്ചെടുത്ത് സന്ദര്‍ശകരെ ബന്ദികളാക്കുകയാണ് തീവ്രവാദികള്‍. സന്ദര്‍ശകര്‍ക്കിടയില്‍ ഉള്‍പ്പെട്ടുപോകുന്ന വിജയ് കഥാപാത്രം അവരുടെ രക്ഷകനാവുന്നതാണ് ചിത്രത്തിന്റെ പ്രധാന പ്ലോട്ട് എന്നാണ് ട്രെയ്‍ലര്‍ നല്‍കുന്ന സൂചന.
വിജയിയുടെ സിനിമാ കരിയറിലെ 65മത്തെ ചിത്രമാണ് ബീസ്റ്റ്. അതുകൊണ്ട് തന്നെ ദളപതി 65 എന്നാണ് ചിത്രം അറിയിപ്പെടുന്നത്. മലയാളി താരങ്ങളായ ഷൈൻ ടോം ചാക്കോയും അപർണ ദാസും ചിത്രത്തില്‍ എത്തുന്നുണ്ട്. സംവിധായകൻ ശെല്‍വരാഘവനും ബീസ്റ്റെന്ന ചിത്രത്തില്‍ അഭിനയിക്കുന്നുണ്ട്. ഷൈൻ ആദ്യമായിട്ടാണ് തമിഴ് ചിത്രത്തില്‍ അഭിനയിക്കുന്നതും. മൂന്ന് പ്രതിനായകൻമാരാണ് ചിത്രത്തില്‍ ഉണ്ടാകുകയെന്നാണ് റിപ്പോര്‍ട്ട്.
ആദ്യം ഏപ്രിൽ 14നാണ് ബീസ്റ്റിന്റെ റിലീസ് പ്രഖ്യാപിച്ചിരുന്നത്. എന്നാൽ, യാഷിന്റെ കെജിഎഫും അന്നേദിവസം റിലീസ് ചെയ്യുന്നതിനാൽ ബീസ്റ്റ് ഒരു ദിവസം മുമ്പ് റിലീസ് ചെയ്യാൻ സംവിധായകൻ നെൽസൺ ദിലീപ് കുമാറും സംഘവും തീരുമാനിക്കുക ആയിരുന്നു.
ശെല്‍വരാഘവൻ, ഷൈൻ ടോം ചാക്കോ, ജോണ്‍ വിജയ്, ഷാജി ചെൻ തുടങ്ങി ഒട്ടേറെ താരങ്ങള്‍ ചിത്രത്തിലുണ്ട്. ചിത്രത്തില്‍ 100 കോടിയാണ് വിജയ്‍യുടെ പ്രതിഫലം എന്നും റിപ്പോര്‍ട്ടുണ്ട്. മാസ്റ്ററിന്‍റെ വന്‍ വിജയത്തിനു ശേഷം വിജയ് നായകനായെത്തുന്ന ചിത്രമാണ് 'ബീസ്റ്റ്'.
'ബീസ്റ്റി'ലെ മുഖം മൂടി വില്ലൻ ഷൈനോ ? ചോദ്യവുമായി സോഷ്യൽ മീഡിയ
ഏതാനും ദിവസങ്ങൾക്ക് മുമ്പായിരുന്നു ചിത്രത്തിന്റെ ട്രെയിലർ പുറത്തിറങ്ങിയത്. മാസ്സും ഫൈറ്റും ഒത്തുചേർന്ന ട്രെയിലർ ഇതിനോടകം തരംഗം തീർത്തു കഴിഞ്ഞു. ട്രെയിലറിൽ മുഖം മൂടി ധരിച്ചെത്തിയ വില്ലൻ ഏവരുടെയും ശ്രദ്ധ കവർന്നിരുന്നു. ആരാകും ഈ താരമെന്നാണ് ഇപ്പോൾ സോഷ്യൽ മീഡിയയിലെ ചർച്ച.
മലയാളി താരം ഷൈൻ ടോം ചാക്കോയും ബീസ്റ്റിൽ പ്രധാനകഥാപാത്രത്തെ അവതരിപ്പിക്കുന്നുണ്ട്. ഷൈൻ ആണോ മുഖം മൂടി ധരിച്ച വില്ലൻ എന്നതാണ് ഏവരുടെയും സംശയം. ബീസ്റ്റുമായി ബന്ധപ്പെട്ട് വന്ന പോസ്റ്ററുകളിലോ പാട്ടുകളിലോ ഷൈനിന്റെ യാതൊരു വിധ സാന്നിധ്യവും ഉണ്ടായിരുന്നില്ല. ഇതാണ് വില്ലൻ ഷൈൻ ആണോ എന്ന സംശയം പ്രേക്ഷകരിൽ ഉയർത്തിയത്.
എന്നാൽ 'സ്ലംഡോഗ് മില്യണേർ' എന്ന സിനിമയിലൂടെ ശ്രദ്ധയനായ നടൻ അങ്കുർ വികൽ ആണ് ഈ മുഖം മൂടി വില്ലനെന്നാണ് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നത്. ഇക്കാര്യത്തിൽ സ്ഥിരീകരണങ്ങൾ ഒന്നും തന്നെ വന്നിട്ടില്ല. എന്തായലും ഷൈനിന്റെ കഥാപാത്രം ഇപ്പോഴും സസ്പെൻസ് ആയി തുടരുകയാണ്.
