തിയറ്ററുകളിൽ കയ്യടി നേടിയ 'മേരി ജാൻ..'; 'സർദാറി'ലെ പാട്ടെത്തി
ചിത്രത്തിൽ ഒരു സ്പൈ ആയിട്ടാണ് കാർത്തി അഭിനയിച്ചിരിക്കുന്നത്.
 )
Followകാർത്തി നായകനായി എത്തിയ ഏറ്റവും പുതിയ ചിത്രം 'സർദാറി'ലെ ലിറിക് വീഡിയോ പുറത്ത്. തിയറ്ററുകളിൽ മികച്ച പ്രതികരണം നേടി ചിത്രം പ്രദർശനം തുടരുന്നതിനിടെയാണ് 'മേരി ജാൻ..' എന്ന ഗാനം അണിയറ പ്രവർത്തകർ പുറത്തുവിട്ടിരിക്കുന്നത്. ജി വി പ്രകാശ് കുമാർ സംഗീതം നൽകിയ ഗാനം ആലപിച്ചിരിക്കുന്നത് നകാഷ് അസീസ് ആണ്. പാട്ടിന്റെ ചിത്രീകരണ രംഗങ്ങളും വീഡിയോയിൽ ഉൾക്കൊള്ളിച്ചിട്ടുണ്ട്.
കഴിഞ്ഞ ദിവസമാണ് പി എസ് മിത്രന്‍ സംവിധാനം ചെയ്ത സർദാർ തിയറ്ററുകളിൽ എത്തിയത്. ബോക്സ് ഓഫീസില്‍ വേണ്ടവിധം പെർഫോം ചെയ്യാൻ 'സര്‍ദാറി'ന് കഴിഞ്ഞിട്ടില്ലെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. എന്നാൽ മികച്ച പ്രതികരണം നേടുന്ന ചിത്രം വരും ദിവസങ്ങളിൽ ബോക്സ് ഓഫീസ് നേട്ടം കൊയ്യുമെന്നാണ് വിലയിരുത്തലുകൾ. തമിഴ്‍നാട് ബോക്സ് ഓഫീസില്‍ നിന്ന് ആദ്യദിനം സര്‍ദാര്‍ നേടിയത് 6.91 കോടി രൂപയാണ്.
കാർത്തിക്കൊപ്പം റാഷി ഖന്ന, രജീഷ വിജയന്‍ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. ചുങ്കെ പാണ്ഡെ, ലൈല, യൂകി സേതു, ദിനേശ് പ്രഭാകർ, മുനിഷ് കാന്ത്, യോഗ് ജേപ്പീ, മൊഹമ്മദ്അലി ബൈഗ്, ഇളവരശ്, മാസ്റ്റർ ഋത്വിക്, അവിനാഷ്, ബാലാജി ശക്തിവേൽ, ആതിരാ പാണ്ടിലക്ഷ്‍മി, സഹനാ വാസുദേവൻ, മുരളി ശർമ്മ എന്നിവരും ചിത്രത്തിൽ വേഷമിട്ടിരിക്കുന്നു.
പ്രിന്‍സ് പിക്‌ചേഴ്‌സിന്റെ ബാനറില്‍ ലക്ഷ്‍മണ്‍ കുമാറാണ് 'സര്‍ദാര്‍' നിര്‍മ്മിച്ചിരിക്കുന്നത്. ഫോർച്യൂൺ സിനിമാസ് ആണ് ചിത്രം കേരളത്തിൽ വിതരണത്തിന് എത്തിക്കുന്നത്. പി എസ് മിത്രൻ തന്നെയാണ് ചിത്രത്തിന്റെ തിരക്കഥയും എഴുതിയിരിക്കുന്നത്. ചിത്രത്തിൽ ഒരു സ്പൈ ആയിട്ടാണ് കാർത്തി അഭിനയിച്ചിരിക്കുന്നത്. ചിത്രത്തിന്റെ ട്രെയിലറിലെ കാർത്തിയുടെ വ്യത്യസ്ത ഗെറ്റപ്പുകൾ ഏറെ ശ്രദ്ധപിടിച്ചു പറ്റിയിരുന്നു. കേരള പിആർഒ പി ശിവപ്രസാദ്.
'രണ്ടാമത്തെ അറ്റാക്കിൽ ഞാൻ തകർന്ന് പോയി, മമ്മൂക്കയാണ് സഹായിച്ചത്': മോളി കണ്ണമാലി
