ബിജു മേനോന്റെ നായികയായി പത്മപ്രിയ; 'ഒരു തെക്കന്‍ തല്ല് കേസി'ലെ മനോഹര ഗാനമെത്തി
റോഷൻ മാത്യുവും നിമിഷ സജയനും പ്രധാനവേഷത്തിൽ എത്തുന്ന ചിത്രം ഓണം റിലീസായി പ്രേക്ഷകർക്ക് മുന്നിലെത്തും.
 )
Followബിജു മേനോനെ കേന്ദ്ര കഥാപാത്രമാക്കി ശ്രീജിത്ത് എന്‍. സംവിധാനം ചെയ്യുന്ന 'ഒരു തെക്കന്‍ തല്ല് കേസി'ലെ പാട്ടെത്തി. പാതിരയിൽ എന്ന് തുടങ്ങുന്ന ഗാനത്തിന് സംഗീതം നൽകിയിരിക്കുന്നത് ജസ്റ്റിൻ വർഗീസ് ആണ്. അൻവർ അലി എഴുതിയ വരികൾക്ക് ശബ്ദം നൽകിയിരിക്കുന്നത് ശ്രീദേവി തെക്കേടത്ത് ആണ്. ടൊവിനോ തോമസ് ആണ് തന്‍റെ സോഷ്യല്‍ മീഡിയ പേജിലൂടെ ഗാനം റിലീസ് ചെയ്തത്.
റോഷൻ മാത്യുവും നിമിഷ സജയനും പ്രധാനവേഷത്തിൽ എത്തുന്ന ചിത്രം ഓണം റിലീസായി പ്രേക്ഷകർക്ക് മുന്നിലെത്തും. മുൻപ് പുറത്തുവന്ന ചിത്രത്തിന്റെ ട്രെയിലറും ടീസറും ഏറെ ശ്രദ്ധനേടിയിരുന്നു. രാജേഷ് പിന്നാടന്‍ ആണ് തിരക്കഥ ഒരുക്കിയിരിക്കുന്നത്. ജി ആര്‍ ഇന്ദുഗോപന്‍റെ അമ്മിണിപ്പിള്ള വെട്ടുകേസ് എന്ന കഥയെ ആസ്പദമാക്കിയാണ് സിനിമ ഒരുങ്ങുന്നത്. മോഹന്‍ലാലിനെ കേന്ദ്ര കഥാപാത്രമാക്കി പൃഥ്വിരാജ് സംവിധാനം ചെയ്ത ബ്രോ ഡാഡിയുടെ തിരക്കഥാകൃത്തുക്കളില്‍ ഒരാളാണ് സംവിധായകൻ ശ്രീജിത്ത് എന്‍. പത്മപ്രിയ ആണ് നായിക. ഒരിടവേളക്ക് ശേഷം പത്മപ്രിയ അഭിനയിക്കുന്ന സിനിമ കൂടിയാണിത്.
ഇ ഫോർ എന്‍റര്‍ടെയ്‍ന്‍മെന്‍റിന്‍റെ ബാനറിൽ മുകേഷ് ആര്‍ മേത്ത, സി വി സാരഥി എന്നിവർ ചേര്‍ന്ന് നിര്‍മ്മിക്കുന്ന ചിത്രത്തിന്റെ ഛായാഗ്രഹണം മധു നീലകണ്ഠൻ നിർവ്വഹിക്കുന്നു. എക്‌സിക്യൂട്ടീവ് പ്രൊഡ്യൂസർ റോഷന്‍ ചിറ്റൂര്‍. ലൈന്‍ പ്രൊഡ്യൂസർ ഓപ്പണ്‍ ബുക്ക് പ്രൊഡക്ഷന്‍സ്. ഓണം റിലീസ് ആയിട്ടായിരിക്കും തെക്കൻ തല്ല് കേസ് റിലീസ് ചെയ്യുക.
ദേശീയ അവാര്‍ഡ് ലഭിച്ചതിന് ശേഷം ബിജു മേനോന്‍റേതായി റിലീസിനൊരുങ്ങുന്ന ചിത്രം കൂടിയാണ് ഒരു തെക്കന്‍ തല്ലു കേസ്. സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിലെ അഭിനയത്തിനാണ് മികച്ച സഹനടനുള്ള ദേശീയ പുരസ്കാരം ബിജു മേനോനെ തേടി എത്തിയത്.
മധുരാന്തക ചോഴനായി റഹ്മാൻ, സുന്ദര ചോഴനായി പ്രകാശ് രാജും; 'പൊന്നിയിൻ സെൽവൻ' ക്യാരക്ടർ പോസ്റ്റർ
